រថយន្ត កូរ៉ូឡា បុករថយន្ត ឡិចស៊ីស RX350 កំពុងឈប់ស្តុបពីក្រោយ រងការខូចខាតយ៉ាងដំណំ
រាជធានីភ្នំពេញ ៖ នារីម្នាក់បើករថយន្ត កូរ៉ូឡាមួយគ្រឿង បុករថយន្ត ឡិចស៊ីស RX350 ពីក្រោយ បណ្ដាលឲ្យរងការខូចខាតយ៉ាងដំណំ។
ហេតុការណ៍នេះបានកើតឡើងកាលពីវេលាម៉ោង ១២យប់ថ្ងៃទី០២ ខែមេសា ឆ្នាំ២០២៤ ស្ថិតតាមបណ្ដោយផ្លូវព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេបានឃើញនារីម្នាក់ បើករថយន្ត កូរ៉ូឡា ពាក់ស្លាកលេខ ភ្នំពេញ 2F-8416 បុករថយន្ត ឡិចស៊ីស RX350 ពាក់ស្លាកលេខ ភ្នំពេញ 2BJ-4466 ចំពីក្រោយ ពេលឈប់ស្ដុប បណ្ដាលឲ្យរងការខូចខាតតែម្តង ។
ក្រោយកើតហេតុ ភាគីទាំងសងខាង បានសម្រួលបញ្ចប់រឿងនៅកន្លែងកើតហេតុ ៕ Mrr Ka
