រាជធានីភ្នំពេញ ៖ អគ្គិភ័យមួយបានឆាបឆេះ ផ្ទះមួយកន្លែង បង្កការភ្ញាក់ផ្អើល កាលពីវេលាម៉ោង ១១និង០៥នាទីព្រឹក ថ្ងៃអង្គារទី០២ ខែមេសា ឆ្នាំ២០២៤ នៅចំណុចផ្ទះលេខ ០៩ ផ្លូវជាតិលេខ១ ភូមិ ក្តីតាកុយ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។

សមត្ថកិច្ចបានឲ្យដឹងថា ម្ចាស់ទីតាំងមាន ស៊ីវ ពិសិដ្ឋ ភេទ ប្រុស អាយុ ៣០ឆ្នាំ ជនជាតិ ខ្មែរ មុខរបរ ប្រធានក្រុមហ៊ុនដឹកជញ្ជូន ដោយអគ្គិភ័យនេះ បានឆាបឆេះ ទីតាំងប្រភេទថ្មបេតុង ទំហំ ០៤ម៉ែត្រ x០៨ម៉ែត្រ ឆេះតុដាំតែចំនួន ០១ឈុត និងសាឡុងចំនួន ០១ ហើយពុំបណ្តាលឲ្យឆេះរាលដល់អ្នកក្បែរខាងឡើយ។

ភ្លាមៗ គេឃើញមានរថយន្តពន្លត់អគ្គិភ័យ របស់ការិយាល័យ​អគ្គិភ័យ​ ​ ចំនួន ០២គ្រឿង ប្រើប្រាស់ទឹកអស់ចំនួន ០២ឡាន ស្មើនឹង ០៨ម៉ែត្រគូប និងមានរថយន្តជំនួយអន្តរាគមន៍ពីខាង រថយន្តក្រសួងមហាផ្ទៃចំនួន ០១គ្រឿង ពុំបានប្រើប្រាស់ទឹក, រថយន្តអគ្គិភ័យទីក្រុងកោះនរាចំនួន ០១គ្រឿង ពុំបានប្រើប្រាស់ទឹក , រថយន្តអគ្គិភ័យបុរីប៉េងហួតចំនួន ០៣គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៦ម៉ែត្រគូប រហូតរលត់ទៅវិញ នៅម៉ោង ១១នឹង៣០នាទីព្រឹក នាថ្ងៃខែ ឆ្នាំដដែល ខណៈមូលហេតុសមត្ថកិច្ចបញ្ជាក់ថា បណ្តាលមកពីឆ្លងចរន្តអគ្គិសនី ៕ អែល វិចិត្រ