ខេត្តកំពង់ស្ពឺ៖ ហេតុការណ៍គ្រោះថ្នាក់ចរាចរណ៍មួយបានកើតឡើង ដោយរថយន្តមួយគ្រឿង រអិលដាច់ហ្វ្រាំងបណ្ដាលអោយបុករថយន្ដដឹកប្រេងទិសដៅបញ្រ្ចាសគ្នានៅចំណុចចំណោទលោកយាយម៉ៅពេជ្រនិល រងការខូចខាតយ៉ាងដំណំ។ នេះបើយោងតាមផេក ស្នងការដ្ឋាននគរបាលខេត្តកំពង់ស្ពឺ ។
សមត្ថកិច្ចបានឲ្យដឹងថា ហេតុការណ៍នេះកើតឡើងនៅវេលាម៉ោង០៦:៣៥នាទី ថ្ងៃទី៣ ខែមេសា ឆ្នាំ២០២៤នេះ នៅចំណុច ផ្លូវជាតិលេខ ៤ ចន្លោះគីឡូម៉ែត្រលេខ១០៦-១០៧ ភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ។
តាមព័ត៌មានគ្រោះថ្នាក់ចរាចរណ៍ខាងលើមិនបណ្តាលឱ្យរងរបួសមនុស្សនោះទេ។ បច្ចុប្បន្នកម្លាំងនគរបាលកំពុងចុះអន្ដរាគមន៍សម្រួលចរាចរណ៍ ។
ក្នុងនោះសមត្ថកិច្ចក៏សំណូមពរបងប្អូនប្រជាពលរដ្ឋដែលធ្វើដំណើរឆ្លងកាត់ចំណុចខាងលើ សូមមេត្ដាបន្ថយល្បឿន ព្រោះផ្លូវជាតិលេខ ៤ កំពុងតែស្ថាបនាជួសជុល ៕
.jpg?1712120950)
.jpg?1712120951)
.jpg?1712120951)
.jpg?1712120950)
.jpg?1712120953)
