រថយន្តស៊េរីទំនើប បុករបងឃ្លាំងប្រជាពលរដ្ឋ រងការខូចខាតទាំងកណ្តាលរាត្រី
រាជធានីភ្នំពេញ ៖ បុរសម្នាក់បើករថយន្ត Staria ស៊េរីទំនើប បើកទៅបុករបងឃ្លាំង បណ្ដាលរងការខូចខាតយ៉ាងដំណំ ។
ហេតុការណ៍នេះបានកើតឡើងតាមបណ្ដោយផ្លូវ៤៣០ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ វេលាម៉ោង១យប់ ត្រូវនិង ថ្ងៃទី៥ ខែមេសា ឆ្នាំ២០២៤ ។
តាមប្រភពព័ត៌មានពីបងប្អូនប្រជាពលរដ្ឋនិងពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត Staria ស៊េរីទំនើបបើកតាមបណ្ដោយផ្លូវ៤៣០ ក្នុងទិសដៅពីលិចមកកើត មកដល់កន្លែងកើតហេតុ ទៅបុករបងឃ្លាំងបណ្ដាលរងការខូចខាតយ៉ាងដំណំ សំណាងល្អគ្មានអ្នករងរបួស។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោកនៃអធិការដ្ឋាននគរបាលខណ្ឌចំការមន បានធ្វើការវាស់វែងយករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយតាមច្បាប់បន្តទៀត ៕ Mrr Ka
