ខេត្តបាត់ដំបង៖ ផ្ទះប្រជាពលរដ្ឋមួយខ្នង ត្រូវបានអគ្គិភ័យឆេះយ៉ាងសន្ធោសន្ធៅ ខ្ទេចទាំងស្រុង កាលពីវេលាម៉ោង ២០និង៣០នាទី ថ្ងៃទី០៤ ខែមេសា ឆ្នាំ២០២៤ នៅចំណុចក្រុមទី០៩ ភូមិហៃសាន ឃុំជ្រៃ ស្រុកថ្មគោល ខេត្តបាត់ដំបង ។ នេះបើយោងតាមផេកផ្លូវការរបស់ អគ្គស្នងការដ្ឋាននគរបាលជាតិ ។

សមត្ថកិច្ចបានឲ្យដឹងថា មានករណីអគ្គិភ័យនេះ បានឆាបឆេះផ្ទះប្រជាពលរដ្ឋ ០១ខ្នង (ឆេះទាំងស្រុង) ទំហំ ០៧ម៉ែត្រ x ០៩ម៉ែត្រ សង់អំពីថ្មក្រោម ឈើលើ ប្រក់សង្ក័សី ជញ្ជាំងក្តា របស់ម្ចាស់ផ្ទះឈ្មោះ ខាំ លាប ភេទប្រុស អាយុ ៦៣ឆ្នាំ រស់នៅភូមិហៃសាន ឃុំជ្រៃ ស្រុកថ្មគោល ខេត្តបាត់ដំបង ។

ក្នុងនោះ សម្ភារៈខូចខាតរួមមាន៖

-ផ្ទះទំហំ ៧ម៉ែត្រ X ៩ម៉ែត្រ (ខូចខាត ៨០ ភាគរយ)

-គ្រែចំនួន ៣

-ទូខោអាវ ២

-ទូរទស្សន៍ចំនួន

-ស្រូវចំនួន ៤០បាវ និងសម្ភារៈមួយចំនួនទៀត សរុបជាទឹកប្រាក់ប្រហែល ៨០,០០០,០០០ (ប៉ែតសិបលាន) រៀល ។

សមត្ថកិច្ចជំនាញបានឲ្យដឹងថា៖ ក្នុងករណីអគ្គិភ័យនេះ បណ្ដាលមកពីឆ្លងចរន្តអគ្គិសនីទើបបណ្តាលឲ្យមានអគ្គិភ័យឆា បឆេះ (ផ្ទុះសេខ្សែរភ្លើង) ។

ករណី នេះ កម្លាំង នគរបាល ស្រុក ថ្មគោល បាន ដឹកនាំ កម្លាំង ចុះ ពន្លត់ អគ្គិភ័យ នេះ ដោយ ប្រើប្រាស់ រថយន្តពន្លត់អគ្គិភ័យចំនួន ០៤គ្រឿង រថយន្តស្នងការដ្ឋាននគរបាលខេត្តបាត់ដំបង ០៣គ្រឿង និងរថយន្តអធិការដ្ឋាននគរបាលស្រុកថ្មគោល ០១គ្រឿង ទើប គ្រប់គ្រង ស្ថានការណ៍ អគ្គិ ភ័យ នេះ បាន ទាំងស្រុង ៕