រាជធានីភ្នំពេញ៖ យីប្អូនៗអើយ !!! ម៉ោង ៣ ទៀបភ្លឺ នាំគ្នាលេងប៉ាតម្សៅ មានទាំងបង្ហោះម៉ូតូ ពេញផ្លូវ មានអីត្រូវបានកម្លាំងសមត្ថកិច្ចនគរបាលខណ្ឌជ្រោយចង្វារ ដេញតាមកាក់ រត់ចែកជើងគ្នា .. នាយប់ថ្ងៃទី ៨ ខែ មេសា ឆ្នាំ ២០២៤ ។

សមត្ថកិច្ចបានឲ្យដឹងថា មានក្មេងស្ទាវមួយក្រុម ជិះម៉ូតូជាច្រើនគ្រឿង នាំគ្នាលេងប៉ាតម្សៅ ខ្លះទៀតបង្ហោះម៉ូតូតាមដងផ្លូវ ត្រូវបានកម្លាំងសមត្ថកិច្ចនៃអធិការនគរបាលខណ្ឌជ្រោយចង្វារ ធ្វើការឃាត់ខ្លួនបានភ្លាមៗ និងធ្វើការអប់រំណែនាំ កុំឲ្យធ្វើបែបនេះទៀត រួចអនុញ្ញាតឲ្យត្រឡប់ទៅផ្ទះវិញ។

សមត្ថកិច្ចបានបញ្ជាក់ទៀតថា មុននឹងឲ្យក្មេងស្ទាវទាំងអស់នោះត្រឡប់ទៅផ្ទះវិញ កម្លាំងសមត្ថកិច្ចបានធ្វើការអប់រំណែនាំរួចរាល់ និងឲ្យនាំគ្នាអាវ៉ង់ចំនួន២០ ដង។ រីឯអ្នកបង្ហេះម៉ូតូវិញ សមត្ថកិច្ចបានលីម៉ូតូចំនួន ២០ ជុំ ទើបឲ្យត្រឡប់ទៅផ្ទះវិញបាន និងឱ្យសន្យាថាមិនត្រូវធ្វើបែបនេះទៀតនៅតាមផ្លូវសាធារណៈទៀតនោះឡើយ ៕ Mrr Ka