រាជធានីភ្នំពេញ៖ បុរសម្នាក់ បើករថយន្ត​ Ford Ranger XLT​ ទៅផឹកកាហ្វេមិនប្រយ័ត្ន បុកឡើងសួនរង្វង់មូលព្រហ្មមុខបួន​ ហើយរត់ ត្រូវបានសមត្ថកិច្ចដេញតាមឃាត់បានមកវិញ ។ ​

ហេតុការណ៍នេះ បាន​កើតឡើងតាមបណ្ដោយផ្លូវ​ជាតិ​លេខ​៦A ក្នុងសង្កាត់​ជ្រោយចង្វារ​​ ខណ្ឌ​ជ្រោយចង្វារ​ រាជធានីភ្នំពេញ នាវេលា​ម៉ោង​២យប់ ត្រូវនឹងថ្ងៃទី០៨​ ខែមេសា​ ឆ្នាំ​២០២៤។

តាមប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត​ Ford Ranger XLT​ ពាក់ស្លាកលេខ ភ្នំពេញ​ 2BT-3931 បើកតាមបណ្ដោយផ្លូវជាតិលេខ៦A ក្នុងទិសដៅពីត្បូងទៅជើង បម្រុងទៅផឹកកាហ្វេមិនប្រយ័ត្ន បើកទៅបុកឡើងសួនរង្វង់មូលព្រហ្មមុខបួន​ ហើយបើលរត់ ដល់វត្តកៀនឃ្លាំង ក៏ត្រូវបានសមត្ថកិច្ចដេញតាមឃាត់បាន​មកវិញ ។

ក្រោយកើតហេតុសមត្ថកិច្ចជំនាញចរាចរណ៍ផ្លូវគោក​នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែងយករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយ​តាមច្បាប់បន្តទៀត ៕ Mrr Ka