រាជធានីភ្នំពេញ ៖ ជនសង្ស័យចំនួន១០នាក់ ត្រូវបានសមត្ថកិច្ចធ្វើការឃាត់ខ្លួន ពាក់ព័ន្ធករណីប៉ុនប៉ងលួចសម្ភារៈ និងប្រើប្រាស់ដោយខុសច្បាប់ នូវសារធាតុញៀន ។ នេះបើយោងតាមផេកផ្លូវការរបស់ ស្នងការដ្ឋាននគរបាលរាជធានីភ្នំពេញ ។

សមត្ថកិច្ចបានឲ្យដឹងថា នៅថ្ងៃទី០៥ ខែមេសា ឆ្នាំ២០២៤ ម៉ោងប្រហែល ១៥:០០នាទី កម្លាំងអធិការដ្ឋាននគរបាលខណ្ឌកំបូល បានចុះពិនិត្យរដ្ឋបាលតាមបន្ទប់ជួល នៅក្នុងភូមិត្រពាំងឈូក សង្កាត់កន្ទោក ខណ្ឌកំបូល ក៏បានឃាត់ខ្លួនជនសង្ស័យចំនួន១០នាក់ ពាក់ព័ន្ធករណីរក្សាទុកអាវុធគ្មានការអនុញ្ញាត (ប៉ុនប៉ងលួច) និងប្រើប្រាស់ដោយខុសច្បាប់ នូវសារធាតុញៀន។

ក្នុងនោះវត្ថុតាងដកហូត៖ ដា ..;វ កែច្នៃ ចំនួន០៣ដើម, ផ្លាកលេខម៉ូតូ ចំនួន០២, ដែកកែច្នៃចុងស្រួច ចំនួន ០១ និងឧបករណ៍កែច្នៃសម្រាប់ ជ ..;ក់ ថ្នាំញៀន ចំនួន០១ សម្រាប់។

បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្តោះអាសន្ន នៅអធិការដ្ឋាននគរបាលខណ្ឌកំបូល ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕