រាជធានីភ្នំពេញ ៖ បុរសម្នាក់បើកកង់បីឥណ្ឌាទៅ បុកជាមួយរថយន្ដ Ford Teri tory ត្រង់ចំណុចផ្លូវបំបែកជាបួន បណ្ដាលឲ្យម្ចាស់កង់បីឥណ្ឌា និងភ្ញៀវជាជនជាតិបរទេស រងរបួសធ្ងន់ ត្រូវបានបញ្ជូនទៅមន្ទីរពេទ្យ។
ហេតុការណ៍នេះបានកើតឡើង នាវេលាម៉ោង១២យប់ត្រូវនិងថ្ងៃទី០៩ ខែមេសា ឆ្នាំ២០២៤ ស្ថិតតាមបណ្ដោយផ្លូវ២៨៧ កែងផ្លូវ៥២៨ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ចមូលដ្ឋានបានឲ្យដឹងថា មុនពេលកើតហេតុ គេបានឃើញបុរសម្នាក់ បើកកង់បីឥណ្ឌា ពាក់ស្លាកលេខ ភ្នំពេញ 1GW-8205 បុកជាមួយរថយន្ដ Ford Teri tory ពាក់ស្លាកលេខ ភ្នំពេញ 2BY-3276 ត្រង់ចំណុចផ្លូវបំបែកជាបួនបណ្ដាលឲ្យម្ចាស់កង់បីឥណ្ឌា និងភ្ញៀវជាជនជាតិបរទេសរងរបួសធ្ងន់បញ្ជូនទៅមន្ទីរពេទ្យ។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះមកធ្វើការវាស់វែងយក រថយន្ដនិងកង់បីឥណ្ឌាទៅរក្សាទុករង់ចាំការដោះស្រាយនៅពេលក្រោយ តាមច្បាប់បន្តទៀត ៕ Mrr Ka
