រាជធានីភ្នំពេញ ៖ បុរសម្នាក់បើករថយន្ត ALPHARD បុកជាមួយម៉ូតូ FZ បណ្ដាលឲ្យអ្នកជិះម៉ូតូរងរបួសម្នាក់ នៅស្ពាននាគវត្តភ្នំ ។
ហេតុការណ៍នេះស្ថិតតាមបណ្ដោយផ្លូវព្រះនរោត្តម កែងផ្លូវ១០៦ សង្កាត់វត្តភ្នំ ខណ្ឌដូនពេញ រាជធានីភ្នំពេញ វេលាម៉ោង៩និង៥០យប់នាទី ថ្ងៃទី០៨ ខែមេសា ឆ្នាំ២០២៤។
តាមប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ចមូលដ្ឋានបានឲ្យដឹងថា មុនពេលកើតហេតុ គេបានឃើញបុរសម្នាក់បើករថយន្ត ALPHARD ពាក់ស្លាកលេខកំពង់ស្ពឺ 2A-1838 បើកតាមបណ្ដោយផ្លូវ១០៦ ក្នុងទិសដៅពីកើតមកលិច មកដល់ផ្លូវបំបែក ក៏បានបុកម៉ូតូ FZ ពាក់ស្លាកលេខ ភ្នំពេញ 1CH-9917 បណ្ដាលឲ្យអ្នកជិះម៉ូតូរងរបួសម្នាក់ត្រូវបានរថយន្ដសាមុយដឹកបញ្ចូនទៅមន្ទីរពេទ្យ ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានធ្វើការវាស់វែងយករថយន្តនិងម៉ូតូ ទៅរក្សាទុក ដើម្បីរង់ចាំដោះស្រាយនៅពេលក្រោយ តាមច្បាប់បន្តទៀត ៕ Mrr Ka
