ខេត្តបាត់ដំបង ៖ សមត្ថកិច្ចបំបែកសំណុំរឿងករណីបាញ់បោះដោយអាវុធ ចូលទៅក្នុងលំនៅដ្ឋានជនរងគ្រោះ នៅសង្កាត់រតន: ក្រុងបាត់​ដំបងបានហើយ ដោយឃាត់ខ្លួន​មុខ​សញ្ញាចំនួន ០៣ នាក់ បញ្ជូន​ទៅតុលាការអនុវត្តទៅតាមច្បាប់ ។ នេះបើយោងតាមផេកផ្លូវការរបស់ក្រុមអន្តរាគមន៍ បង្ការ-បង្ក្រាប នៃស្នងការដ្ឋាននគរបាលខេត្តបាត់ដំបង ។

សូមបញ្ជាក់ថា កាលពីថ្ងៃទី១០ ខែ មេសា ឆ្នាំ ២០​២៤ អនុវត្តតាមបទបញ្ជារបស់ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង និងមានការសម្រប​សម្រួល លើនីតិវិធីពី ឯកឧត្តម កែវ សុ​ជាតិ ព្រះរាជអាជ្ញា នៃអយ្យការ អមសាលាដំ​បូងខេត្តបាត់ដំបង ផង​នោះ ឧត្តមសេនីយ៍ត្រី លឹម ពុទ្ធីឡា ស្នងការរង ផែនការងារនគរបាល​ព្រហ្ម​ទណ្ឌ លោក វរសេនីយ៍ឯក ឈឿង គឹមសុង ស្នង​ការរង ដឹកនាំការិយាល័យនគរបាល ព្រហ្មទ័ណ្ឌកម្រិតស្រាល លោក វរសេនី​យ៍ឯក ចៀក ថានិន នាយការិ​យាល័យ នគរបាលព្រហ្មទណ្ឌកម្រិត​ស្រាល ដឹកនាំ កម្លាំងក្រុម អន្តរាគម​ន៍បង្ការ បង្ក្រាប សហការជាមួយកម្លាំងអធិការដ្ឋាននគរបាលក្រុងបាត់ដំបង ដែលដឹកនាំដោយលោក វរសេនីយ៍ឯក ពេជ្រ សារ៉ែន ជាអធិការ បានចុះប្រតិបត្តិការ អនុវត្តដីកាបញ្ជាឱ្យចូលខ្លួនលេខ១៧,១៨ /២៤ ដ.ប.ខ របស់លោក ទុត វីនីត ព្រះរាជអាជ្ញារង នៃអយ្យការអម​ សា​លាដំបូងខេត្តបាត់ដំបង ពាក់ព័ន្ធករណី ប៉ុនប៉ងឃា-ត-កម្ម ( មិនបានសម្រេច ) ប្រព្រឹត្តិនៅចំណុចភូមិសុភី១ សង្កាត់ រតនៈ ក្រុងបាត់ដំបង ខេត្តបាត់ដំបង កាលពីយប់ថ្ងៃទី ២៩ ខែ មីនា ឆ្នាំ ២០២៤ ដែលជាផ្ទះរបស់ជនរងគ្រោះឈ្មោះ កែវ ឌាំង ភេទប្រុស អាយុ ៤០ ឆ្នាំ ។

ក្នុងប្រតិបត្តិការនេះ សមត្ថកិច្ចបាននាំខ្លួននាំខ្លួនជនសង្ស័យចំនួន ០៣ នាក់រួមមាន ​៖

១-ឈ្មោះ សុខ ប៊ុនធឿន ហៅ បៀវ ភេទប្រុស អាយុ ២៤ ឆ្នាំ មានទីលំនៅ ភូមិ អូរខ្ជាយ សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ។ ( ជាអ្នកធ្វើសកម្មភាពផ្ទាល់ ) ។

២-ឈ្មោះ ទួន ហាក់ហួត ហៅ តួ ភេទប្រុស អាយុ ៣១ ឆ្នាំ មានទីលំនៅភូមិអូរចារ សង្កាត់អូរចារ ក្រុងបាត់ដំបង ខេត្តបាត់ដំបង ។ ( ជាអ្នកផ្សំគំនិត )។

៣-ឈ្មោះ ឡៅ ផេងអាន ភេទប្រុ ស អាយុ ៣៥ ឆ្នាំ មានទីលំនៅភូមិ២០ឧសភា សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។ ( ជាអ្នក កាន់កាប់អា-វុ-ធដោយខុសច្បាប់ និង រក្សាទុកដោយខុសច្បាប់នូវសារធាតុញៀន) ។

ក្នុងនោះ វត្ថុតាងដកហូតរួមមាន ៖ រថយន្ត ០១ គ្រឿង និង អា-វុ-ធខ្លី ចំនួន ០២ ដើម ។

សូមបញ្ជាក់ជូនថា កាលពីយប់ថ្ងៃទី២៨ ខែមីនា ឆ្នាំ២​០២៤ វេលាម៉ោងប្រមាណ០២ រំលងអាធ្រា​ត្រ ឈានចូលថ្ងៃទី២៩ខែ មីនា ឆ្នាំ ២០២៤ មានជនសង័្សយ មិនស្គាល់អត្តសញ្ញាណបាន ប្រើប្រាស់អាវុធ បា-ញ់ ចំនួន ០៦គ្រាប់ ចូលទៅក្នុងលំនៅដ្ឋានរបស់ជនរងគ្រោះឈ្មោះ កែវ ឌាំង ភេទប្រុ ស អាយុ​៤១ឆ្នាំ មានទីលំ នៅ ភូមិសូភី១សង្កាត់រតនៈ ក្រុងបាត់​ដំបង ខេត្តបាត់ដំបង ខណៈជនរងគ្រោះសម្រាកនៅខាងក្នុងផ្ទះ តែជាសំណាងគ្រាប់កាំភ្លើងមិន បានបង្កឱ្យមានមនុស្សក្នុងលំនៅដ្ឋាននេះរងគ្រោះថ្នាក់នោះទេគ្រាន់តែធ្លុះធ្លាយទ្វារផ្ទះពីខាងមុខតែប៉ុណ្ណោះ។

ផ្តើមពីបញ្ហានេះ លោកឧត្តមសេនី យ៍ទោ សាត គឹមសាន ស្នងការនៃ ស្នងការដ្ឋាននគរបាលខេត្តបាត់ដំបង បានដាក់បទបញ្ជាដល់ផែនជំនាញ និងអធិការនគរបាលក្រុងបាត់ដំបង ធ្វើការស្រាវជ្រាវជាបន្ទាន់ លើករណីនេះ រហូតដល់ការកំណត់មុខសញ្ញាបាននិងឈានដល់ ការឃាត់និងនាំខ្លួនតាមដីកាតែម្តង ។

ក្នុងនោះ តាមការសាកសួរពីសមត្ថកិច្ច ជនសង័្សយខាងលើបានឆ្លើយសារ ភាពថា ពួកគេពិតជាបានធ្វើសក​ម្មភាព ដោយ អា-វុ-ធខ្លីបាញ់ទៅលើ លំនៅដ្ឋានរបស់ជនរងគ្រោះខាងលើពិតប្រាកដមែន ហើយមូល​ហេតុដែលឈានដល់ការ ធ្វើសកម្មភាពបែបនេះគឺដោយសារ តែរឿងគំនុំ។

ពេលនេះជនសង័្សយនិងវត្ថុតាងសមត្ថកិច្ចបានរៀបចំកសាងសំណុំរឿងបញ្ជូនទៅ សាលាដំបូងខេត្តបាត់​ដំបង ដើម្បីចាត់ការបន្តតាមនីតិវិធី ច្បាប់ហើយ៕ អែល មេសា