ខេត្តត្បូងឃ្មុំ៖ អគ្គិភ័យឆេះឃ្លាំងជួសជុលរថយន្តមួយកន្លែងយ៉ាងសន្ធោសន្ធៅ ផ្អើលសមត្ថកិច្ចចុះទៅអន្តរាគមន៍បាញ់ពន្លត់ កាលពីថ្ងៃទី១៥ ខែមេសា ឆ្នាំ២០២៤ ស្ថិតនៅភូមិដងកំបិត ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ។ នេះបើយោងតាមផេក ការិយាល័យផ្សព្វផ្សាយអប់រំ ខេត្តត្បូងឃ្មុំ ។

សមត្ថកិច្ចបានឲ្យដឹងថា អគ្គិភ័យនេះ បណ្តាលអោយឆេះរថយន្តចាស់ៗប្រើមិនកើតអស់ចំនួន ០៣គ្រឿង ហើយត្រូវបានកងកម្លាំងនគរបាលរបស់ស្នងការដ្ឋាន និងអធិការក្រុង-ស្រុក សហការជាមួយកម្លាំងកងរាជអាវុធហត្ថ និងអាជ្ញាធរមូលដ្ឋានគ្រប់គ្រងបានទាំងស្រុង ដោយប្រើប្រាស់រថយន្តពន្លត់អគ្គីភ័យចំនួន ០៤គ្រឿង ប្រើប្រាស់ទឹកចំនួន ០៥ឡាន មិនបណ្តាលអោយរាលដាលឆេះដល់រថយន្ត និងសម្ភារៈក្នុងឃ្លាំងធំឡើយ។

ចំណែក បណ្តាលមកពីប្រជាពលរដ្ឋដុតកញ្ជ្រាំងស្រែក្រោយឃ្លាំងរថយន្ត ៕