រាជធានីភ្នំពេញ ៖ ជនសង្ស័យម្នាក់ ត្រូវបានកងកម្លាំងព័ទ្ធផ្ទះ បុកចូលទៅចាប់ឃាត់ខ្លួន ក្រោយជនសង្ស័យរូបនេះ ចាប់ក្មេងស្រីរងគ្រោះចូលក្នុងបន្ទប់ដេករបស់ខ្លួន រំលោភសេពសន្ថវៈ ។

ហេតុការណ៍នេះបានកើតឡើង កាលពីថ្ងៃទី១៦ ខែមេសា ឆ្នាំ២០២៤ ម៉ោង ២រសៀលនៅចំណុចក្នុងបន្ទប់ផ្ទះគ្មានលេខ ផ្លូវលំ ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ ។

សមត្ថកិច្ចបានឲ្យដឹងថា ជនសង្ស័យមានឈ្មោះ ម៉ៅ សុខហេង ភេទប្រុស អាយុ ៣៦ឆ្នាំ ជនជាតិខ្មែរ មុខរបររត់កង់បីឥណ្ឌា ស្នាក់នៅផ្ទះគ្មានលេខ ផ្លូវលំ ភូមិគោកឃ្លាង សង្កាត់គោកឃ្លាង ខណ្ឌសែនសុខ (គ្មានសារធាតុញៀន) បានធ្វើសកម្មភាពចាប់ក្មេងស្រីរងគ្រោះអាយុ០៦ឆ្នាំ ចូលក្នុងបន្ទប់ដេករបស់ខ្លួន រំលោភសេពសន្ថវៈ ។

បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីកសាងសំណុំរឿងបញ្ជូនខ្លួនទៅកាន់ តុលាការចាត់ការតាមនិតិវិធីច្បាប់ ៕ អែល វិចិត្រ