រាជធានីភ្នំពេញ ៖ រថយន្ដ SINSON ALMERA បើកបុកជាមួយម៉ូតូ HONDA Dream បុកផ្ដាច់ជិវិតយុវជន២នាក់ យ៉ាងរន្ធត់ ត្រង់ចំណុចផ្លូវបំបែកជាបួន ។
ហេតុការណ៍ដ៏រន្ធត់នេះបានកើតឡើងនៅតាមបណ្ដោយផ្លូវ២០០៤ សង្កាត់អូរបែកក្អម ខណ្ឌសែនសុខ នាវេលាម៉ោង ២យប់ត្រូវនឹង ថ្ងៃទី១៨ ខែមេសា ឆ្នាំ២០២៤។
តាមប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ចមូលដ្ឋានបានឲ្យដឹងថា មុនពេលកើតហេតុ គេបានឃើញនារីម្នាក់ បើករថយន្ដ SINSON ALMERA ពាក់ស្លាកលេខ ភ្នំពេញ 2BV-4371 បើកបុកជាមួយ ម៉ូតូ HONDA Dream ពាក់ស្លាកលេខ ភ្នំពេញ 1AV-3394 បុកពេញទំហឹង ត្រង់ចំណុចផ្លូវបំបែកជាបួន បណ្ដាលឲ្យយុវជន ២នាក់ស្លាប់នៅកន្លែងកើតហេតុ។ ចំណែកអ្នកបើកបររថយន្ត ត្រូវសមត្ថកិច្ចឃាត់ខ្លួនបានផងដែរ ។
ក្រោយកើតហេតុ សមត្ថកិច្ចជំនាញ ចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វើការ វាស់វែងយក រថយន្ដនិង ម៉ូតូទៅរក្សាទុក រង់ចាំការដោះស្រាយនៅពេលក្រោយតាមច្បាប់ និងប្រគល់សពយុវជនទាំង២នាក់ ឲ្យសាច់ញាតិ យកទៅធ្វើបុណ្យតាមប្រពៃណី ៕ Mrr Ka
