រថយន្ត កាមរីបាឡែន បុករបាំងថ្មចែកទ្រូងផ្លូវ រងការខូចខាតចំនួន២កង់
រាជធានីភ្នំពេញ ៖ បុរសម្នាក់បើករថយន្ត កាមរីបាឡែន បើកបុករបាំងថ្មចែកទ្រូងផ្លូវ បណ្ដាលឲ្យរងការខូចខាតចំនួន២កង់។
ហេតុការណ៍នេះបានកើតឡើងនៅវេលាម៉ោង១យប់ត្រូវនឹង ថ្ងៃទី២០ ខែមេសា ឆ្នាំ២០២៤ តាមបណ្ដោយផ្លូវសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេបានឃើញបុរសម្នាក់បើករថយន្ត កាមរីបាឡែន ពាក់ស្លាកលេខ កណ្ដាល 2A-7071 បើកតាមបណ្ដោយផ្លូវសុធារស ក្នុងទិសដៅពីជើងទៅត្បូង មកដក់កន្លែងកើតហេតុ ក៏បើកមកបុកថ្មចែកទ្រូងផ្លូវ បណ្ដាលរងការខូចខាតចំនួន២កង់ តែម្តង ។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានធ្វើការវាស់វែង យករថយន្តទៅរក្សាទុកដើម្បីរង់ចាំដោះស្រាយនៅពេលក្រោយ តាមច្បាប់បន្តទៀត ៕ Mrr Ka
