រាជធានីភ្នំពេញ ៖ យុវជនម្នាក់បានសម្រេចចិត្តលោតពីលើស្ពានជ្រោយចង្វារ ដោយសារតែខឹងសង្សារសុំបែក ។

ហេតុការណ៍នេះកើតឡើងនាវេលាម៉ោង ១០យប់ ត្រូវនឹងថ្ងៃទី១៩ ខែមេសា ឆ្នាំ២០២៤ នៅលើស្ពានជួយចង្វារ ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។

តាមប្រភពព័ត៌មានពីឪពុកបង្កើតរបស់យុវជនខាងលើ បានរៀបរាប់ទាំងអួលដើម.កថា កូនប្រុសរបស់គាត់ ធ្លាប់និយាយប្រាប់ពួកម៉ាកនិងមិត្តភក្តិធ្វើការជាមួយគ្នាថា ខ្លួនបានឈ្លោះគ្នាជាមួយនឹងសង្សាររបស់ខ្លួន។ ហើយបម្រុងនឹងរត់ចូលឡានម្ដងហើយ តែត្រូវមិត្តភក្កិជួយទាន់ពេលវេលា តែលើកនេះបានសម្រេចចិត្តដើរមកកាន់លើស្ពានជ្រោយចង្វារ រួចថតវីដេអូទុក ដើម្បីឲ្យក្រុមគ្រួសារមើល ដើម្បីបញ្ជាក់ថាខ្លួនពិតជាសម្រេចចិត្តលោតពីលើស្ពានជ្រោយចង្វារដោយសារតែស្រីសុំបែក។

បើតាមប្រភពព័ត៌មានពីបងប្អូនប្រជាពលរដ្ឋដែលធ្វើដំណើរឆ្លងកាត់នៅលើស្ពានជ្រោយចង្វារបានរៀបរាប់ថា គេឃើញមានយុវជនម្នាក់បានលោតពីលើស្ពានជ្រោយចង្វារ បន្សល់ទុកនៅស្បែកជើងទូរសព្ទដៃ និងកាបូបលុយ ហើយលោតចុះទៅបាត់។

នៅក្រោយពេលកើតហេតុ សមត្ថកិច្ចក៏បានមកដល់បានយកសម្ភារៈរបស់យុវជនខាងលើទៅរក្សាទុកនៅឯគោលដៅសមត្ថកិច្ច ដើម្បីប្រគល់ឲ្យក្រុមគ្រួសារវិញ តែទោះបីជាយ៉ាងណា ជនរងគ្រោះនៅមិនទាន់ដឹងថា ស្លាប់ ឬរស់នៅឡើយទេ ៕ Mrr Ka