រាជធានីភ្នំពេញ ៖ យុវជនម្នាក់ ដែលបង្ហោះវីដេអូ លោតទឹកនៅលើស្ពានជ្រោយចង្វារ ដោយសារខឹងសង្សារសុំបែកនោះ ពេលនេះក្រុមគ្រួសារសាច់ញាតិ រកឃើញសាកសពហើយ ។

ហេតុការណ៍នេះកើតឡើងនៅក្រោមស្ពានជ្រោយចង្វារ ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ នាវេលាម៉ោង១យប់ ត្រូវនឹងថ្ងៃទី២១ ខែមេសា ឆ្នាំ ២០២៤ ។

សូមបញ្ជាក់ថា បើតាមប្រភពព័ត៌មាន និងសម្ដីរបស់ឪពុកបង្កើតរបស់យុវជនខាងលើបានរៀបរាប់ទាំងទឹកភ្នែកថា កូនប្រុសរបស់គាត់មានវិបត្តិផ្លូវចិត្ត ដោយសារតែសង្សារគាត់សុំបែក។

ខណៈម្ដាយយុវជនខាងលើបានយំរៀបរាប់ថា ខ្លួនមិនបានមើលថែកូនអស់រយៈពេលជាច្រើនឆ្នាំមកហើយ ហើយក៏មិនដែលបានឃើញមុខម្ដងណាឡើយ តែដល់ពេលឃើញមុខកូន បែរជាឃើញក្រោយពេលកូនស្លាប់ទៅហើយ និងបានដាស់អង្រួនដង្ហើយហៅកូនត្រឡប់ទៅផ្ទះយើងវិញ ។

ក្រោយកើតហេតុ សមត្ថកិច្ចមូលដ្ឋានក៏បានមកដល់ បានឲ្យក្រុមគ្រួសារសាច់ញាតិយកទៅធ្វើបុណ្យតាមប្រពៃណីនៅឯស្រុកកំណើត ៕ Mrr Ka