រាជធានីភ្នំពេញ ៖ បុរសម្នាក់បើកម៉ូតូឌ្រីមសង់សេ១២៥ មួយគ្រឿងយ៉ាងលឿន តាមបណ្ដោយផ្លូវ១០០៣ មកដល់ចំណុចមុខផ្សារទំនើប Aeon 2 ក៏បានបុកនឹងរថយន្ត Fortuner តែកំពុងតែបត់ត្រឡប់ក្រោយពេញមួយទំហឹង បណ្ដាលឱ្យរងរបួសយ៉ាងធ្ងន់ធ្ងរ។

ហេតុការណ៍នេះបានកើតឡើងផ្លូវ១០០៣ ដែលស្ថិតនៅក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ នាវេលាម៉ោង ៦ល្ងាចត្រូវនឹងថ្ងៃទី ២៣ ខែមេសា ឆ្នាំ២០២៤។

តាមប្រភពព័ត៌មានបានឲ្យដឹងថា មុនពេលកើតហេតុ គេបានឃើញ បុរសម្នាក់បើកម៉ូតូឌ្រីមសង់សេ១២៥ មួយគ្រឿងយ៉ាងលឿន តាមបណ្ដោយផ្លូវ១០០៣ មកដល់ចំណុចមុខផ្សារទំនើប Aeon 2 ក៏បានបុកនិងរថយន្ត Fortuner តែកំពុងតែបត់ត្រឡប់ក្រោយពេញមួយទំហឹង បណ្ដាលឱ្យរងរបួសយ៉ាងធ្ងន់ធ្ងរ ត្រូវបានបងប្អូនប្រជាពលរដ្ឋទាក់ទងហៅរថយន្តសង្គ្រោះបន្ទាន់ របស់មន្ទីរពេទ្យរដ្ឋ ដើម្បីយកទៅសង្គ្រោះ។

ក្រោយកើតហេតុ សមត្ថកិច្ចក៏បានមកដល់ក៏បានធ្វើការវាស់វែង យករថយន្តទៅរក្សាទុកនៅឯស្នងការចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ។ ចំណែកឯអ្នកបើកបរត្រូវបានសមត្ថកិច្ចធ្វើការឃាត់ខ្លួនដើម្បីធ្វើការសាកសួរនាំ ផងដែរ ៕ Mrr Ka