រាជធានីភ្នំពេញ​៖ រថយន្តព្រូសមួយគ្រឿង បានរេចង្កូត បុករបាំងចែកទ្រូងផ្លូវ ពេញទំហឹង បណ្តាលឲ្យរងការខូចខាត កាលពីវេលាម៉ោង ៤និង២០នាទី ទៀបភ្លឺ ឈានចូលថ្ងៃទី២៤ខែ មេសា ឆ្នាំ២០២៤ ផ្លូវលេខ២៧១ មុខសាលាសាមគ្គី ភូមិមានជ័យ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ។

សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍ នេះ កើតឡើងខណៈរថយន្តមួយគ្រឿងម៉ាក ព្រូស ពណ៌ស ពាក់ផ្លាកលេខ ភ្នំពេញ 1BH-0617 បើកបរដោយមិនស្គាល់ឈ្មោះ និង អាស័យដ្ឋាន បើកបរ ពីជើងទៅត្បូង ក្នុងល្បឿនលឿន លុះដល់ចំណុចកើតហេតុ ក៏បុករបាំងចែកផ្លូវតែម្តង បណ្តាលឲ្យខូចរថយន្តយ៉ាងដំណំ និងខូចខាតរបាំងចែកទ្រូងផ្លូវ៤កង់ ។

ក្រោយកើតហេតុ សមត្ថកិច្ចជំនាញ បានធ្វើការវាស់វែង យករថយន្តខាងលើ ទៅរក្សាទុកនៅការិយាល័យផ្លូវគោក រង់ចាំដោះស្រាយគ្នាពេលក្រោយតាមច្បាប់បន្តទៀត ៕ អែល វិចិត្រ