ខេត្តកណ្តាល ៖ កម្លាំងនគរបាលក្រុងតាខ្មៅ បានធ្វើការឃាត់ខ្លួនជនសង្ស័យម្នាក់ ពាក់ព័ន្ធករណី ហឹង្សាដោយចេតនាមានស្ថានទម្ងន់ទោស ដោយជនសង្ស័យរូបនេះ បានរត់កាន់កាំបិតផ្គាក់ដងឬស្សី ទៅកាប់ប្រហារចំក្បាលបុរសម្នាក់ ដែលកំពុងឈរស្រោចទឹកផ្កាក្នុងរបងផ្ទះរបស់ខ្លួន បណ្តាលឲ្យរងរបួសធ្ងន់ធ្ងរ…!។ នេះបើយោងតាមផេក ស្នងការដ្ឋាននគរបាលខេត្តកណ្តាល ។

ដោយអនុវត្តតាមបទបញ្ជារបស់ លោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល នៅថ្ងៃទី២៤ ខែមេសា ឆ្នាំ២០២៤ ក្រោយទទួលបណ្តឹងពីជនរងគ្រោះចំនួន០១នាក់ ឈ្មោះ កែវ នាង ភេទប្រុស អាយុ៦០ឆ្នាំ ជនជាតិខ្មែរ ទីលំនៅភូមិព្រែកអញ្ចាញ សង្កាត់ព្រែកឬស្សី ក្រុងតាខ្មៅ ខេត្តកណ្តាល មុខរបរ មន្ត្រីរាជការ ។ កម្លាំងផ្នែកយុត្តិធម៍នៃអធិការដ្ឋាននគរបាលក្រុងតាខ្មៅ សហការ ជាមួយកម្លាំងប៉ុស្តិ៍នគរបាលរដ្ឋបាលព្រែកឬស្សី ដឹកនាំបញ្ជាដោយលោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ បានធ្វើការបង្ក្រាបជាក់ស្តែងឃាត់ខ្លួនជនសង្ស័យចំនួន០១នាក់ ពាក់ព័ន្ធនឹងករណី ហិង្សានិងធ្វើឲ្យខូចខាតដោយចេតនាមានស្ថានទម្ងន់ទោស ចំណុច ផ្ទះជនរងគ្រោះ ភូមិព្រែកអញ្ចាញ សង្កាត់ព្រែកឬស្សី ក្រុងតាខ្មៅ ខេត្តកណ្តាល។

ក្នុងនោះ ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលខេត្តកណ្តាល សូមធ្វើការឆ្លើយតប និងជូនព័ត៌មានដល់បងប្អូនអ្នកលេងបណ្តាយសង្គម ទៅនឹងឃ្លីបវីដេអូ របស់គណនីផេក Troryorng TV ក៏ដូចជាបណ្តាញសង្គមមួយចំនួនទៀតពាក់ព័ន្ធនឹង «បុរសម្នាក់កាន់កាំ..បិតខ្វែ..វ ចូលទៅកា.ប់បុរស ម្នាក់ទៀតដែលកំពុងតែស្រោចផ្កា នៅក្នុងផ្ទះចំក្បា.ល បណ្តាលឱ្យរងរបួ..សធ្ង.ន់ ហេតុការណ៍នេះកើតឡើង កាលពីល្ងាច ថ្ងៃទី២៤ ខែមេសា ឆ្នាំ២០២៤ ស្ថិតនៅភូមិ ព្រែកឫស្សី សង្កាត់ព្រែកឫស្សី ក្រុងតាខ្មៅ ខេត្តកណ្តាល»។

ចំពោះករណីខាងលើនេះ ក្រោយពេលកើតហេតុភ្លាមកម្លាំងនគរបាលនៃអធិការដ្ឋាននគរបាលក្រុងតាខ្មៅ បានចុះឃា..ត់ខ្លួនជនសង្ស័..យ និងបានកសាងសំណុំរឿងបញ្ជូនទៅកាន់តុលា.ការ ដើម្បីបន្តចាត់ការតាមនី..តិវិធី។

តាមចម្លើយសារភាពរបស់ជនសង្ស័យខាងលើ ដើមហេតុ «មកពីគំ..នុំ»។

អាស្រ័យដូចនេះ សូមសាធារណជនក៏ដូចជាអ្នកនិយមលេងបណ្តាញសង្គមមេត្តាជ្រាប ៕