ខេត្តកណ្តាល ៖ ជនសង្ស័យចំនួន ៤នាក់ ក្នុងចំណោមបក្ខពួក ៦នាក់ កំពុងតែជួញដូរគ្រឿងញៀន ត្រូវបានសមត្ថកិច្ចនៃអធិការដ្ឋាននគរបាលស្រុកកៀនស្វាយ ធ្វើការបង្ក្រាបបាន កាលពីវេលាម៉ោង ១៣ និង ៣០នាទី ថ្ងៃទី ២៥ ខែមេសា

ឆ្នាំ២០២៤ ចំណុច ភូមិគគីរធំ២ ឃុំគគីរធំ ស្រុកកៀនស្វាយ ខេត្តកណ្ដាល។

សមត្ថកិច្ចបានឲ្យដឹងថា ជនសង្ស័យចំនួន ០៦នាក់ ប្រុស(ឃាត់ ០៤នាក់ គេច០២នាក់ )

១- ឈ្មោះ ទូ ជីវន្ត ភេទប្រុស អាយុ ១៨ ឆ្នាំ (ខ្មែរ) មុខរបរ នេសាទ មានទីលំនៅ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល (ឃាត់ខ្លួន)

២- ឈ្មោះ ជា ពីន ភេទប្រុស អាយុ ៣១ ឆ្នាំ (ខ្មែរ) មុខរបរ មិនពិត មានទីលំនៅ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល (ឃាត់ខ្លួន)

៣- ឈ្មោះ ឡាច តុលា(អ៊ូក) ភេទប្រុស អាយុ ២៨ ឆ្នាំ (ខ្មែរ) មុខរបរ នេសាទ មានទីលំនៅ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល (ឃាត់ខ្លួន)

៤- ឈ្មោះ វឿន រតនះ(អូន) ភេទប្រុស អាយុ ២៦ ឆ្នាំ (ខ្មែរ) មុខរបរ នេសាទ មានទីលំនៅ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល (ឃាត់ខ្លួន)

៥- ឈ្មោះ ទូ ប្រិយ ភេទប្រុស អាយុ ៣៥ ឆ្នាំ (ខ្មែរ) មុខរបរ នេសាទ មានទីលំនៅ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល (គេចខ្លួន)

៦- ឈ្មោះ លី សុខហេង ភេទប្រុស អាយុ ៣៤ ឆ្នាំ (ខ្មែរ) មុខរបរ ជាងភ្លើង មានទីលំនៅ ភូមិគគីរធំ ឃុំគគីរធំ ស្រុកកៀនស្វាយ ខេត្តកណ្តាល (គេចខ្លួន)

ក្នុងនោះ វត្ថុតាងចាប់យករួមមាន៖ ម្សៅក្រាមពណ៌សថ្លាសង្ស័យជាសារធាតុញៀន (ម៉ាទឹកកក) ចំនួន ០៣ កញ្ចប់(តូច០២ មធ្យម០១), សម្ភារៈប្រើប្រាស់និងវេចខ្ចប់ថ្នាំញៀនមួយចំនួន , ដាវកែឆ្នៃ០១ដើម កាំបិតផ្គាក់ដងដែក ០១ដើម។

សមត្ថកិច្ចបានឲ្យដឹងថា កម្លាំងប៉ុស្ដិ៍នគរបាលរដ្ឋបាលគគីរធំ សហការជាមួយកម្លាំងប្រឆាំងបទល្មើសគ្រឿងញៀនស្រុក បានធ្វើការល្បាតក្នុងភូមិសាស្រ្តឃុំគគីរធំ ពេលមកដល់ចំនុចកើតហេតុបានឃើញជនសង្សយ័ចំនួន០២នាក់ ឈ្មោះ ទូ ជីវន្ត័ និង ឈ្មោះ លី សុខហេង កំពុងឈប់ម៉ូតូនៅតាមផ្លូវជាតិលេខ ១ ចំណុចវត្តពោធ្យារាម ដោយមានការសង្សយ័ កម្លាំងសមត្ថកិច្ច្ច ហៅជនសង្ស័យទាំង០២នាក់ អោយឈប់ ភ្លាមនោះ ឈ្មោះ លី សុខហេង ភេទប្រុស បានជិះម៉ូតូគេចខ្លួនបាត់។ ចំណែកឈ្មោះ ទូ ជីវន្ត័ ភេទប្រុសសមត្ថកិច្ចបានធ្វើការឃាត់ខ្លួន ហើយឆែកឆេរ រកឃើញម្សៅក្រាមពណ៌សថ្លាសង្ស័យជាសារធាតុញៀនម៉ាទឹកកក ចំនួន០១កញ្ចប់តូច កាន់ជាប់នៅដៃ រួចកំលាំងសមត្ថកិច្ចបានឃាត់ខ្លួនជនសង្ស័យ រួមនឹងវត្ថុតាងយកមកប៉ុស្តិ៍គគីរធំដើម្បីសួរនាំ ។

នៅចំពោះមុខសមត្ថកិច្ចជនសង្សយ័ បានសារភាពថា ថ្នាំញៀន(ម៉ាទឹកកក)ចំនួន ០១កញ្ចប់តូចនេះ ជារបស់ពួកខ្លួនពិតប្រាកដមែន ដោយឪពុក របស់ខ្លួន ឈ្មោះ ទូ ប្រិយ បានប្រើយកទៅលក់អោយគេ។ ក្រោយបានចំលើយសារភាពរបស់ឈ្មោះ ទូ ជីវន្ត័ កម្លាំងប៉ុស្តិ៍គគីរធំ បានសហការជាមួយ កំលាំងផ្នែកប្រឆាំងគ្រឿងញៀន បានចុះទៅដល់រោងស្នាក់នៅ យាមត្រី របស់ ឈ្មោះ ទូ ប្រិយ ស្ថិតនៅភូមិក្បាលជ្រោយ ឃុំកំពង់ភ្នំ ស្រុកលើកដែក ខេត្តកណ្តាល ហើយបានធ្វើកាឃាត់ខ្លួនបានជនសង្សយ័០៣នាក់ ឈ្មោះ ជា ពីន ឈ្មោះ ឡាច តុលា (អ៊ូក) និងឈ្មោះ វឿន រតនះ (អូន) ហើយធ្វើការដកហូតបាន ថ្នាំញៀន(ម៉ាទឹកកក) ចំនួន ០២កញ្ចប់(តូច០១ មធ្យម០១) និងសម្ភារៈវេចខ្ចប់ ប្រើប្រាស់ថ្នាំញៀនមួយចំនួនទៀត។ ចំណែកឈ្មោះ ទូ ប្រិយ ភេទប្រុស បានរត់គេចខ្លួនចូលក្នុងព្រៃបាត់។ រួចសមត្ថកិច្ចបាននាំខ្លួន ជនសង្សយ័ទាំង០៣ នាក់រួមនិងវត្ថុតាង យកមកប៉ុស្តិ៍គគីរធំ ដើម្បីសួរនាំបន្ត ។

នៅចំពោះមុខសមត្ថកិច្ច ជនសង្សយ័ទាំង០៣នាក់ បានសារភាពថា ថ្នាំញៀនដែរសមត្ថកិច្ចដកហូតបានពិតជារបស់ពួកខ្លួនប្រាកដមែន ដោយខ្លួនបានទិញពីឈ្មោះ លី សុខហេង ភេទប្រុស ជនជាតិ ខ្មែរ មុខរបរ ជាងភ្លើង មានទីលំនៅ ភូមិគគីរធំ ឃុំគគីរធំ តំលៃ ៥០០០០០រៀល( ប្រាំម៉ឺនរៀល) ដើម្បីយកមកវេចខ្ចប់ជាកញ្ចប់តូចៗ ទុកលក់បន្ត និងប្រើប្រាស់ខ្លួនឯងផង។ ហើយកន្លងមកឈ្មោះ ជា ពីន ភេទប្រុស ធ្លាប់ទិញថ្នាំញៀនពីឈ្មោះ លី សុខហេង បានចំនួន៦០ដង មកហើយ ដោយទិញក្នុងម្តងៗ ៥០០០០រៀល ទៅ ១០០០០០រៀល (ប្រាំម៉ឺន ទៅ ដប់ម៉ឺនរៀល)។

ក្រោយពីសួរនាំរួចជនសង្សយ័រួមទាំងវត្ថុតាង បញ្ជូនមកអធិការដ្ឋាននគរបាលស្រុកកៀនស្វាយ ដើម្បីចាត់ការតាមនិតិវិធីច្បាប់ ៕ អែល វិចិត្រ