រាជធានីភ្នំពេញ ៖ ករណីគ្រោះថ្នាក់ចរាចរណ៍មួយកើតឡើង រវាង ម៉ូតូនិងម៉ូតូ​និងរថយន្តមិនស្គាល់ម៉ាកមិនស្គាល់ផ្លាកលេខ នៅត្រង់ចំណុចលើផ្លូវលេខ១០៤ ស្ថិតនៅក្នុងភូមិថ្មី សង្កាត់ទៀន ខណ្ឌដង្កោ រាជធានីភ្នំពេញ វេលាម៉ោង១៩និង៥០នាទី ថ្ងៃទី២៥ ខែមេសា ឆ្នាំ២០២៤ បណ្តាលអោយបុរសម្នាក់ស្លាប់នៅកន្លែងកើតហេតុ និងម្នាក់ទៀតរងរបួសធ្ងន់ ត្រូវបានបញ្ជូនទៅសម្រាកព្យាបាលនៅមន្ទីរបង្អែកស្រុកកណ្តាលសឹ្ទង។

តាមរបាយការណ៍ពីសមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះ កើតឡើងរវាង ម៉ូតូម៉ាក HONDA SCOOPY ពណ៌ស ពាក់ផ្លាកលេខ ភ្នំពេញ 1lM .7487 បើកបរដោយឈ្មោះ យ៉ិត សៃយុគ ភេទប្រុស អាយុ២២ឆ្នាំ មុខរបរជាងមាស មានទីលំនៅភូមិព្រៃចារ ឃុំជ្រៃ ស្រុកស្វាយអន្ទង ខេត្តព្រៃវែងស្លាប់នៅកន្លែងកើតហេតុ(ពាក់មួកសុវត្ថិភាព) និងរថយន្ត មិនស្គាល់ម៉ាក មិនស្គាល់ផ្លាកលេខ មួយគ្រឿងទៀត បើកបរស្របទិសគ្នា ពីកើតទៅលិច ។ ចំណែកម៉ូតូម៉ាក ម៉ាក HONDA C125 ពណ៌ខ្មៅ ពាក់ផ្លាកលេខ ភ្នំពេញ 1KK.0274 បើកបរដោយឈ្មោះ វឿន វ័ន ភេទប្រុស អាយុ២២ឆ្នាំមុខរបរបើកបរជាងដែក មានទីលំនៅភូមិកំពង់គោក្រោម ឃុំកំពង់គោ ស្រុកកំពង់ស្វាយ ខេត្តកំពង់ធំ រងរបួសធ្ងន់បញ្ចូនទៅសម្រាកព្យាបាលនៅមន្ទីបង្អែកស្រុកកណ្កាលស្ទឹង(ពាក់មួកសុវត្ថិភាព) ធ្វើដំណើរក្នុងទិសដៅពីលិចទៅកើត ពេលមកដល់ចំណុតកើតហេតុម៉ូតូ HONDA SCOOPY បានបើកបរចូលចំណែកផ្លូវ ទៅបុកម៉ូតូ HONDA C125 រួចហើយម៉ូតូ HONDA SCOOPY បោកដួលចូលក្រោមរថយន្ត ដែលស្របទិសគ្នា បណ្តាលអោយកិនស្លាប់នៅកន្លែងកើតហេតុតែម្តង ចំណែកអ្នកជិះម៉ូតូសង់នោះ គឺរបួសធ្ងន់ ។

ក្រោយកើតហេតុ សមត្ថកិច្ចជំនាញចរាចរណ៍ខណ្ឌដង្កោ សហការជាមួយនគរបាលចរាចរណ៍ក្រុង ធ្វើការវាស់វែង យកម៉ូតូទាំង២គ្រឿង ទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំដោះស្រាយគ្នាតាមច្បាប់ និងប្រគល់សពឲ្យសាច់ញាតិធ្វើបុណ្យតាមប្រពៃណី ៕ អែល វិចិត្រ