ខេត្តព្រះវិហារ៖ រថយន្តមួយគ្រឿងត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អើល នៅវេលាម៉ោង ១និង៣០ នាទីយប់រំលងអាធ្រាត្រ ថ្ងៃទី២៥ ខែមេសាឆ្នាំ២០២៤ ចំណុចអង្កការអេដស៍ ភូមិស្រអែមខាងត្បូង ឃុំកន្ទួត ស្រុកជាំក្សាន្ត ខេត្តព្រះវិហារ ផ្លូវលេខ ២៦២៥ ចន្លោះគីឡូម៉ែត្រលេខ៦ និងលេខ៧ ។ នេះបើយោងតាមផេកផ្លូវការរបស់ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ ។
សមត្ថកិច្ចបានឲ្យដឹងថា អ្នកបើកបររថយន្តឈ្មោះនៅ ភ័ណ្ឌ ភេទ ប្រុស អាយុ ៣២ ឆ្នាំ មុខរបរ បើកបរ នៅភូមិម្លូម៉ឺន ឃុំផ្សាដែក ស្រុកពញាឮ ខេត្តកណ្តាល ដឹកជញ្ជូនចន្ទីចំនួន២៥តោនពីស្រុកត្រពាំងប្រាសាទទៅលក់នៅខេត្តរតនគិរី ។
ចំណែករថយន្តដែលឆេះនេះ ម៉ាកហ៊ីយ៉ាន់ដាយវ៉េអង ពណ៌ស ពាក់ស្លាកលេខកំពង់ចាម 3B 1427 រឺម៉កពាក់ស្លាកលេខកំពង់ចាម 4A 1497 បើកបរពីទិសខាងលិចទៅទិសខាងកើតក្បាលរថយន្តឆេះទាំងស្រុង ចន្ទីខូចខាតអស់ប្រហែលចំនួន០១តោន។
ទោះបីជាយ៉ាងណាក្នុងករណីអគ្គីភ័យខាងលើនេះកងកម្លាំងបានប្រើប្រាស់រថយន្តពន្លត់អគ្គីភ័យចំនួន០២គ្រឿង របស់ទីបញ្ជាការស្រាលនគបាលព្រំដែនគោកភូមិភាគ៤អស់ទឹកចំនួន០២រថយន្ត ទើបរលត់ទៅវិញទាំងស្រុង ។
.jpg?1714111644)
.jpg?1714111645)
