រាជធានីភ្នំពេញ៖ យុវជនម្នាក់ជិះម៉ូតូចេញពីរៀនមកផ្ទះវិញស្រាប់តែជនសង្ស័យបីនាក់ធ្វើសកម្មភាពកាច់កម៉ូតូហើយបាញ់គំរាមមួយគ្រាប់រួចរត់គេច ហេតុការណ៍នេះកើតឡើងនៅត្រង់ចំណុចផ្លូវបេតុងស្ថិតនៅក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ នាវេលាម៉ោង១២ រំលងអាធាត្រ ឈានចូលថ្ងៃទី ០១ខែឧសភា ឆ្នាំ២០២៤ ។

បើតាមសម្ដីរបស់យុវជនដែលជាជនរងគ្រោះបានអោយដឹងថាមុនពេលកើតហេតុខ្លួនចេញពីធ្វើការហើយត្រឡប់ទៅផ្ទះវិញមកដល់មុខផ្ទះក៏អង្គុយចាំអ្នកផ្ទះបើកទ្វារស្រាប់តែលេចមុខជនសង្ស័យម្នាក់ដើរមកសំដៅរកម៉ូតូរបស់គាត់ហើយកាច់កតែមិនបានសម្រេចក៏ជនរងគ្រោះវាយតប់ជាមួយនឹងជនសង្ស័យខាងលើហើយក៏លេចមុខក្រុមជនសង្ស័យមួយក្រុមទៀតបានទាញកាំភ្លើងបាញ់មួយគ្រាប់សំណាងល្អមិនត្រូវហើយក៏នាំគ្នាជិះរត់គេចភ្លាមៗតែម្តង ក្រោយមានការផ្ទុះអាវុធបង្កអោយមានការភ្ញាក់ផ្អើលដល់សមត្ថកិច្ចមកដល់កន្លែងកើតហេតុ។

ក្រោយពេលកើតហេតុសមត្ថកិច្ចក៏បានធ្វើការប្រមូលសំបកគ្រាប់និងសោរសម្រាប់កាច់ករម៉ូតូ និងសំបកគ្រាប់ចំនួនមួយគ្រាប់ហើយនាំជនរងគ្រោះទៅប៉ុស្តិ៍ ដើម្បីធ្វើការដាក់ពាក្យបណ្ដឹងនិងស្រាវជ្រាវតាមចាប់ក្រុមជនសង្ស័យយកមកផ្តន្ទាទោសតាមផ្លូវច្បាប់ ៕ Mrr Kaa