រាជធានីភ្នំពេញ៖ នារីម្នាក់បានស្លាប់ និង២នាក់ទៀតបានរងរបួសធ្ងន់ ខណៈជិះឌុបគ្នាពីខេត្តតាកែវមកលេងភ្នំពេញ ស្រាប់តែទៅបុកពីក្រោយរថយន្តធន់ធំយ៉ាងពេញទំហឹង

ហេតុការណ៍នេះកើតឡើងនៅតាមបណ្តោយផ្លូវជាតិលេខ៣ ក្នុងសង្កាត់ពងទឹក ខណ្ឌដង្កោ រាជធានីភ្នំពេញ នាវេលាម៉ោង ១២រំលងអាធ្រាត្រ ឈានចូលថ្ងៃទី៦ ខែឧសភា ឆ្នាំ២០២៤នេះ ។

យោងតាមប្រភពព័ត៌មានពីបងប្អូនប្រជាពលរដ្ឋ និងសមត្ថកិច្ចមូលដ្ឋានព្រមទាំងមិត្តភក្កិដែលរួមដំណើរជាមួយគ្នាបានអោយ ដឹងថាមុនពេលកើតហេតុនារីខាងលើបានជិះម៉ូតូម៉ាក dream125 មួយគ្រឿងពាក់ស្លាកលេខតាកែវ 1AA 7848 ឌុបគ្នា បីនាក់ចេញពីខេត្តតាកែវមកលេងនៅភ្នំពេញជិះមកដល់ចំណុចកើតហេតុផ្លូវជាលេខ៣បានពាក់កណ្ដាលផ្លូវក៏បានទៅបុកគូទរថយន្តធន់ធំដែលមិនចាំស្លាកលេខពីក្រោយពេញមួយទំហឹងបណ្ដាលឲ្យនារីខាងលើស្លាប់ភ្លាមៗនៅត្រង់ចំណុចកើតហេតុ ។ ចំណែ២នាក់ទៀតរងរបួសយ៉ាងធ្ងន់ធ្ងរត្រូវបានកងកម្លាំង៧១១ ដឹកបញ្ជូនទៅមន្ទីរពេទ្យដើម្បីធ្វើការសង្គ្រោះភ្លាមៗ ។

នារីរងគ្រោះមានឈ្មោះស្រីពេជ្រ មានអាយុ ២០ ឆ្នាំជាកម្មការិនីរោងចក្ររស់នៅក្នុងខេត្តតាកែវបច្ចុប្បន្ន ។

នៅក្រោយពេលកើតហេតុសមត្ថកិច្ចក៏បានមកដល់ធ្វើការវាស់វែងរួចយកម៉ូតូទៅរក្សាទុកនៅស្នងការរដ្ឋាននគរបាលចរាចរណ៍ផ្លូវគោក ចំណែកឯសាកសពត្រូវបានយកទៅតម្កល់ទុកនៅឯវត្តរងចាំក្រុមគ្រួសារសាច់ញាតិមកទទួលយកធ្វើបុណ្យតាមប្រពៃណី ៕