រាជធានីភ្នំពេញ៖ រថយន្ដ Mercedes AMGស៊េរីទំនើបមួយគ្រឿងបានបើកទៅបុកពីក្រោយរថយន្ដ Mazda 2ពេញមួយទំហឹងដោយរថយន្ដមិនទាន់អស់ល្បឿនក៏បើកទៅបុករបាំងថ្មពុះចែកផ្លូវ បន្ថែមបណ្តាលអោយរងការខូចខាត់យ៉ាងដំណំផងដែរ ។

ហេតុការណ៍នេះបានកើតឡើងនៅតាមបណ្តោយផ្លូវ៥៩៨ ក្នុងសង្កាត់ច្រាំងចំរេះទី២ ខណ្ឌ ឬស្សីកែវ នាវេលាម៉ោង១២អាធ្រាត្រឈានចូលថ្ងៃទី០៧ ខែឧសភា ឆ្នាំ២០២៤ ។

ប្រភពព័ត៌មានពីបងប្អូនប្រជាពលរដ្ឋ និងសមត្ថកិច្ចមូលដ្ឋានបានឲ្យដឹងថាមុនពេលកើតហេតុគេបានឃើញបុរសម្នាក់ បើករថយន្ដ Mercedes AMGស៊េរីទំនើបពាក់ស្លាកលេខខេមរៈ ភូមិន្ទ 02 2-7849 បើកតាមបណ្ដោយផ្លូវ៥៩៨ក្នុងទិសដៅពីត្បូងមកជើងលុះមកដល់មុខស្នងការនគរបាលរាជធានីភ្នំពេញ ក៏បានបើកទៅបុកពីក្រោយរថយន្ដ Mazda 2 ពាក់ស្លាកលេខ ភ្នំពេញ 2AV-9870 ពេញមួយទំហឹងបណ្ដាលឲ្យ រងការ ខូចខាត ហើយរថយន្តមិនទាន់អស់ល្បឿនក៏បន្ដទៅបុករបាំងថ្មពុះចែកផ្លូវបន្ថែមទៀតបណ្ដាលអោយខូចខាតកង់រថយន្តអស់២បន្ថែមទៀត ។

ក្រោយកើតហេតុសមត្ថកិច្ចជំនាញផ្នែកចរាចរណ៍ផ្លូវគោក នៃស្នងការដ្ឋាននគរបាលរាជធានី ភ្នំពេញ បានចុះមកធ្វើការវាស់វែង រួចយករថយន្ដទាំង២គ្រឿងទៅរក្សាទុករង់ចាំការដោះស្រាយនៅពេលក្រោយ ៕​ Mrr kaa