រាជធានីភ្នំពេញ៖ បុរសម្នាក់បានបើករថយន្តវីហ្គោពណ៌ប្រផេះ១គ្រឿងហើយបើកកញ្ជក់រថយន្តដកកាំភ្លើងបាញ់រះចំនួន៦គ្រាប់ទៅលើយុវជន១ក្រុមមានគ្នាជិត១០នាក់ បណ្ដាលអោយរងរបួសធ្ងន់ម្នាក់ត្រូវបានបញ្ជូនទៅកាន់មន្ទីពេទ្យកាលម៉ែតភ្លាមៗ ។ហេតុការនេះកើងឡើងនៅតាមបណ្ដោយផ្លូវទំនប់៧០ ស្ថិតនៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ នៅវេលាម៉ោង១យប់រំលងអាធ្រាត្រ ឈានចូលថ្ងៃទី០៧ ខែឧសភា ឆ្នាំ ២០២៤ ។
យោងតាមប្រភពព័ត៌មានពនៅកន្លែងកើតហេតុ ព្រមទាំងបងប្អូនប្រជាពលរដ្ឋ និងយុវជនម្នាក់ដែលត្រូវបុរសជាខ្មាន់កាំភ្លើងដកកាំភ្លើងបាញ់បានអោយដឹងថាមុនពេលកើតហេតុជនជាខ្មាន់កាំភ្លើងបានបើករថយន្តម៉ាកវីហ្គោ ពណ៌ប្រផេះមិនចាំស្លាកលេខ ហើយបានបើកកញ្ចក់រថយន្តរួចសួរថាពួកអាណាជេម៉ែអញ ស្រាប់តែបើកកញ្ចក់រថយន្តរួចដកកាំភ្លើងបាញ់រះ៦គ្រាប់ បណ្តាលអោយត្រូវយុវជនម្នាក់បណ្ដាលអោយរងរបួសធ្ងន់ម្នាក់ត្រូវបានបញ្ជូនទៅកាន់មន្ទីពេទ្យកាលម៉ែតភ្លាមៗ ។
ជុំវិញករណីផ្ទុះអាវុធជាច្រើនគ្រាប់ខាងលើនៅមិនទាន់ដឹងថាជាមូលហេតុអ្វីនៅឡើងនោះទេ ព្រោះក្រោយកើតហេតុខ្មាន់កាំភ្លើងបានបើករថយន្តគេចខ្លួនភ្លាមៗបាត់តែម្តង ។
ក្រោយកើតហេតុកងរាជអាវុធហត្ថខណ្ឌដូនពេញក៏មកដល់ទីតាំងខាងលើ ដើម្បីធ្វើការស្រាវជ្រាវនិងស៊ើបអង្កេតតាមរកខ្មាន់កាំភ្លើងដែលជាម្ចាស់រថយន្តយកមកដាក់ទោសទៅតាមផ្លូវច្បាប់ ៕
