រាជធានីភ្នំពេញ ៖ បាក់ដើមអំពិលមួយដើមរលំសង្កត់ទៅលើបង្គោលភ្លើងបណ្ដាលឲ្យបង្គោលភ្លើងបាក់បន្តទៀត តែសំណាងល្អមិនបណ្ដាលឲ្យអ្នកធ្វើដំណើររងរបួសនោះឡើយ។ហេតុការណ៍នេះបានកើតឡើងនៅវេលាម៉ោង ០១និង៤៥នាទីរសៀលថ្ងៃទី ០៧ ខែឧសភាឆ្នាំ ២០២៤ ស្ថិតនៅតាមណ្ដោយផ្លូវលេខ ២៤០ ក្បែរនិងមន្ទីរពេទ្យគន្ធបុប្ផា មូលដ្ឋានសង្កាត់ចតុមុខ ខណ្ឌដូនពេញ រាជធានីភ្នំពេញ ។
បើតាមប្រភពព័ត៏មានពី សមត្ថកិច្ចបានបញ្ជាក់ប្រាប់ក្រុមការងារTVFB អោយដឹងថា ប្រជាពលរដ្ឋបានធ្វើដំណើរតាមផ្លូវជាធម្មតាដូចសព្វថ្ងៃ ស្រាប់តែមកដល់ខណៈពេលមកដល់វេលាម៉ោងកើតហេតុ បាក់ដើមអំពិលខាងលើ ស្រាប់តែឮសម្លេងបាក់ដើមឈើយ៉ាងខ្លាំង រួចក៏ដើមអំពិលមួុយដើមបានរលំមកសង្កត់និងខ្សែភ្លើង បណ្តាលបាក់បង្គោលភ្លើងមួយដើម បន្ថែមទៀត ។ ក្នុងហេតុការណ៏នោះដែរ មិនបានបង្កអោយមានមនុស្សរងរបួសនោះឡើយ ។
បន្ទាប់ពីបាក់ដើមឈើ ក៏ឃើញមានវត្តមាន លោក ជា ខេមា អភិបាលខណ្ឌដូនពេញ បានចុះមកដល់ទីតាំងផ្ទាល់ តែម្តង ។ ភ្លាមៗ លោក អភិបាល បានទំនាក់ទំនងទៅក្រសួងសារធារណៈការ អោយជួយចុះមកទីតាំងកើតហេតុ ផងដែរ ។
ក្រោយពេលកើតហេតុ ក្រសួងសាធារណៈការ និង ដឹកជញ្ជូន បានចុះមកដល់ រួចធ្វើការកាត់ដើមអំពិលចេញ និងជួសជុលបង្គោលភ្លើងឡើងវិញ កុំអោយមានការកកស្ទះចរាចរណ៏ ដល់ បងប្អូនប្រជាពលរដ្ឋធ្វើដំណើរ ៕មេសា
