រាជធានីភ្នំពេញ៖ ហេតុការណ៍នេះកើតឡើងនៅតាមបណ្ដោយផ្លូវ៦០ម៉ែត្រក្នងសង្កាត់ចាក់អង្រែក្រោម ខណ្ឌមានជ័យ នាវេលា ម៉ោង៩យប់ ថ្ងៃទី០៩ ខែឧសភា ឆ្នាំ២០២៤។

យោងតាមប្រភពព័ត៌មានពីបងសន្តិសុខម្នាក់ដែលឃើញហេតុការណ៍នោះកើតឡើងមុនពេលកើតហេតុគេបានឃើញយុវជន ម្នាក់ ជិះ ម៉ូតូ HONDA Dream ពាក់ ស្លាក លេខ ស្វាយរៀង 1K-8910 បើកតាមបណ្ដោយផ្លូវ៦០ម៉ែតក្នុងទិសដៅពីជើងទៅត្បូងមកដល់កន្លែងកើតហេតុក៏មានម៉ូតូ កង់បី ខ្មែរ មួយគ្រឿងជិះដឹកគ្នាបើកបញ្រ្ចស់ផ្លូវជាមួយនិងម៉ូតូក៏បានបុកគ្នាពេញទំហឹង បណ្ដាលឲ្យ ម្ចាស់ម៉ូតូស្លាប់ ភ្លាមភ្លាមចំណែកឯកម៉ូតូកង់បីម៉កខ្មែររងរបួសធ្ងន់២នាក់បញ្ជូនទៅមន្ទីរពេទ្យ ។

យុវជនដែលបានស្លាប់ខាងលើមានឈ្មោះថារុនអ៊ា អាយុ២០ ឆ្នាំជាងមានស្រុកកំណើតនៅព្រៃវែងជាកម្មករសំណង់។

ក្រោយកេីតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វេីការវាស់វែងយករថយន្តទៅរក្សាទុកដេីម្បីរងចាំដោះស្រាយនៅពេលក្រោយ ។ រីឯសពជនរងគ្រោះប្រគល់ឲ្យសាច់ញាតិយកទៅធ្វើបុណ្យតាមប្រពៃណី ៕