រាជធានីភ្នំពេញ៖ យោងតាមប្រភពព័ត៌មានពីបងប្អូនប្រជាពលរដ្ឋនិងពីសមត្ថកិច្ចមូលដ្ឋានបានឲ្យដឹងថាមុនពេលកើតហេតុគេបានឃើញនារីម្នាក់បើករថយន្ត Jeep RUBICON ពាក់ស្លាកលេខភ្នំពេញ 2BQ-7757 បើកតាមបណ្ដោយផ្លូវព្រះមុនីវង្ស ត៉េចង្កូតទៅបុករថយន្តព្រូស ពាក់ស្លាកលេខភ្នំពេញ 2BJ-4129 កំពុងចតចោលពីក្រោយបណ្ដាលរងការខូចខាត យ៉ាងដំណំភ្លាមនោះសមត្ថកិច្ចក៏បានមកដល់

ហេតុការណ៍នេះកើតឡើងនៅតាមបណ្ដោយផ្លូវព្រះមុនីវង្ស សង្កាត់បឹងកេងកងទី១ ខណ្ឌបឹងកេងកង វេលាម៉ោង១យប់ ត្រូវនិងថ្ងៃទី១១ ខែឧសភា ឆ្នាំ២០២៤នេះ

ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយករថយន្តទៅរក្សាទុក ដើម្បីរងចាំដោះស្រាយនៅពេលក្រោយ