រាជធានីភ្នំពេញ ៖ បុរសម្នាក់បេីករថយន្ត Ford Ranger បុករបាំងថ្មពុះចែកទ្រូងផ្លូវបណ្តាលឲ្យរកការខូចខាតយ៉ាងដំណំ

ហេតុការណ៍នេះកើតឡើងស្ថិតនៅតាមបណ្ដោយមហាវិថីសហព័ន្ធរុស្ស៊ី ម្តុំស្តុបក្ដាន់២ ក្នុងសង្កាត់ស្រះចក ខណ្ឌ ដូនពេញ នាវេលា ម៉ោង២ទាបភ្លឺឈានចូលថ្ងៃទី ១៣ ខែ ឧសភា ឆ្នាំ ២០២៤ ។

ប្រភពព័ត៌មានពីបងប្អូនប្រជាពលរដ្ឋនិងសមត្ថកិច្ចមូលដ្ឋានបានឲ្យដឹងថាមុនពេលកើតហេតុគេបានឃើញបុរសម្នាក់បេីករថយន្តម៉ាក Ford Ranger ពាក់ស្លាកលេខ AT24 2-0935 បើកតាមបណ្ដោយមហាវិថីសហព័ន្ធរុស្ស៊ី ក្នុងទិសដៅពីកើតទៅលិច លុះមកដល់កន្លែងកើតហេតុ ក៏ទៅបុករបាំងថ្មពុះចែកទ្រូងផ្លូវបណ្ដាលរងការខូចខាត យ៉ាងដំណំ ។

ក្រោយកេីតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វេីការវាស់វែងយករថយន្តទៅរក្សាទុកដេីម្បីរងចាំដោះស្រាយតាមនីតិវិធីច្បាប់ ៕