រាជធានីភ្នំពេញ ៖ នៅព្រឹកថ្ងៃទី១៧ ខែឧសភា ឆ្នាំ២០២៤នេះ សមត្ថកិច្ចការិយាល័យនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ បានធ្វើការបង្ហាញមុខ ក្រុមលីអូហោះ (LH) ,CK កាហ្វេកុង , និងក្រុម ឈូកវ៉ា១ (CV1) សរុប១៤នាក់ជាសាធារណៈ ពាក់ព័ន្ធ៤ករណីផ្សេងគ្នា មានទាំងដេញកាប់ មានទាំងកាប់ប្លន់ មុនបញ្ជូនខ្លួនទៅកាន់តុលាការ ។

លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកំរិតស្រាល សូមគោរពរាយការណ៍ ដោយទទួលបានបញ្ជាដឹកនាំដ៏ខ្ពង់ខ្ពស់ពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាល រាជ ធានីភ្នំពេញ និងលោកឧត្តមសេនីយ៍ត្រី ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ និងមានការដឹកនាំបញ្ជា ផ្ទាល់ដោយលោកឧត្តមសេនីយ៍ទោ លី ប៊ុនអេង ស្នងការរងទទួលដឹកនាំការិយាល័យ ។

នៅថ្ងៃទី១៤,១៥ និង១៦ ខែឧសភា ឆ្នាំ២០២៤ កម្លាំងការិយាល័យស្រាវជ្រាវឃាត់ខ្លួនជនសង្ស័យជា បន្តបន្ទាប់សរុបចំនួន១៤នាក់ ជាប្រភេទក្រុមក្មេងទំនើង ឈ្មោះ ក្រុមលីអូហោះ(LH) រស់នៅសង្កាត់ក្រាំងធ្នង់ ខណ្ឌ សែនសុខ រាជធានីភ្នំពេញឈ្មោះ ក្រុមស៊ីខេកាហ្វេកុង រស់នៅក្រុងតាខ្មៅ ខេត្តកណ្តាល និងក្រុមឈូកវ៉ា១ (CV១) ពាក់ព័ន្ធប្រព្រឹត្តបទល្មើសចំនួន ០៤ ករណី បញ្ជូនមកការិយាល័យដើម្បីសាកសួរចាត់ការតាមនីតិវិធី៖

ករណីទី១ ហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (យកដុំថ្មព្រួតគ្នាគប់បណ្តាលត្រូវជើងខាងឆ្វេងរងរបួស និងបែកកញ្ចក់បង្អួចផ្ទះ) ប្រព្រឹត្តនៅចំណុចមុខផ្ទះលេខ១៧៣ ផ្លូវលេខ១៣២ ក្រុម១០២ ភូមិ២២ សង្កាត់បឹងកក់២ ខណ្ឌទួលគោក រាជធានីភ្នំពេញ កាលពីថ្ងៃទី ១២ ខែឧសភា ឆ្នាំ២០២៤ វេលាម៉ោង ០១ និង ៥៥ នាទី ។

ជនរងគ្រោះ

-ឈ្មោះ ស៊ឹង ពិឡា ភេទ ប្រុស អាយុ ២៥ ឆ្នាំ ជនជាតិ ខ្មែរ មានទីលំនៅផ្ទះលេខ១៧៣ ផ្លូវលេខ១៣២ ក្រុម១០២ ភូមិ២២ សង្កាត់បឹងកក់២ ខណ្ឌទួលគោក រាជធានីភ្នំពេញ មុខរបរ លក់ដូរ

ស្នាមរបួស និងសម្ភារៈខូចខាត

-រងរបួសជើងឆ្វេង និងបែកកញ្ចក់ទ្វារបង្អួចផ្ទះចំនួន ០១ ផ្ទាំង។

ករណីទី២ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ដេញវាយជនរងគ្រោះប្លន់ យកកាបូបប្រាក់) ប្រព្រឹត្តនៅចំណុចផ្លូវបេតុង ភូមិព្រៃសាលា សង្កាត់កាកាប២ ខណ្ឌពោធិសែនជ័យ រាជធានីភ្នំពេញ កាលពីថ្ងៃទី១២ ខែមេសា ឆ្នាំ២០២៤ វេលាម៉ោង ០៣ និង ១០ នាទី ។

ជនរងគ្រោះ(មិនដាក់ពាក្យបណ្ដឹង) មិនស្គាល់អត្តសញ្ញាណ ភេទ ប្រុស ជាអ្នកដឹកទំនិញក្រុមហ៊ុន WOW NOW។

ករណីទី៣ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា និងធ្វើឲ្យខូចខាតដោយចេតនា មានស្ថានទម្ងន់ទោស (យកដំបងដែកមូល (ដងឆ័ត្រ) ប្រវែងប្រហែល០២ម៉ែត្រ ចំនួនប្រហែល ១០ ដើមព្រួតគ្នាវាយទៅ លើជនរងគ្រោះ បណ្តាលឲ្យឈឺចុកចាប់ពេញខ្លួន និងវាយម៉ូតូបណ្តាលឲ្យរងការខូចខាតចំនួន០១ គ្រឿង រួចប្លន់យកកាបូប ប្រាក់និងទូរសព្ទ័ដៃម៉ាកអាយហ្វូន៧ន្លឺសចំនួន០១គ្រឿង) ប្រព្រឹត្តនៅចំណុចផ្លូវបេតុង ភូមិព្រៃទា១ សង្កាត់ចោមចៅ៣ ខណ្ឌ ពោធិសែនជ័យ រាជធានីភ្នំពេញ កាលពីថ្ងៃទី២២ ខែមេសា ឆ្នាំ២០២៤ វេលាម៉ោង ០៤ និង ៣០ នាទី ។ ជនរងគ្រោះឈ្មោះ ឆន ប៊ុនធឿន ភេទ ប្រុស អាយុ ២៣ ឆ្នាំ ជនជាតិ ខ្មែរ មានទីលំនៅផ្ទះជួល ផ្លូវបេតុង សង្កាត់កា កាប២ ខណ្ឌពោធិសែនជ័យ រាជធានីភ្នំពេញ មុខរបរ ដឹកជញ្ជូនអីវ៉ាន់ ។ សម្ភារៈបាត់បង់ និងខូចខាត ៖ ទូរសព្ទ័ដៃម៉ាកអាយហ្វូន៧ន្លឺសចំនួន០១គ្រឿង

-កាបូបប្រាក់ដែលមានប្រាក់សរុបចំនួន៤៥០,០០០រៀល(សែសិបប្រាំម៉ឺនរៀល)

-ម៉ូតូម៉ាកហុងដាសេ១២៥ ពណ៌ ទឹកមាស សេរីឆ្នាំ២០១៩ រងការខូចខាតទាំងស្រុង។

ករណីទី៤ ហិង្សាដោយចេតនាមានស្ថានទម្ងន់ទោស (យកកាំបិតកែច្នៃ ដាវកែវច្នៃ ដុំថ្ម កាប់ និងគប់គ្នាទៅ វិញទៅមក) ប្រព្រឹត្តនៅចំណុច បុរីឈូកវ៉ា១ ផ្លូវលេខ១៦ថ្មី ភូមិតិក្ខបញ្ញោ សង្កាត់សំរោងក្រោម ខណ្ឌពោធិសែនជ័យ រាជធានីភ្នំពេញ កាលពីថ្ងៃទី ១៨ ខែមីនា ឆ្នាំ២០២៤ វេលាម៉ោង ១៩ និង ៣០ នាទី ។

សមត្ថកិច្ចបានឲ្យដឹងថា ជនសង្ស័យទាំងអស់រួមមាន ៖

១-ឈ្មោះ ហង្ស វិរៈបុត្រ ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ សិស្សសាលាអាមេរិកកាំងប្រ៊ីដ

(ABI) មានទីលំនៅផ្ទះមិនចាំលេខ ផ្លូវបេតុង ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។ ឃាត់ខ្លួនថ្ងៃទី១៤ ខែឧសភា ឆ្នាំ២០២៤ វេលាម៉ោង ២៣ និង ៣០ នាទី នៅចំណុចដីឡូតិ៍តារាងបាល់ទះ ភូមិ ជាងទង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

២-ឈ្មោះ សឿន មនោ ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ កម្មករឃ្លាំងរោងចក្រកាត់ដេរ មានទីលំនៅផ្ទះគ្មានលេខ ផ្លូវបេតុង ភូមិព្រៃសាលា២ សង្កាត់កាកាប២ ខណ្ឌពោធិសែនជ័យ រាជធានីភ្នំពេញ ឃាត់ខ្លួនថ្ងៃទី ១៤ ខែឧសភា ឆ្នាំ២០២៤ វេលាម៉ោង ២៣ និង ៣០ នាទី នៅចំណុចដីឡូតិ៍តារាងបាល់ទះ ភូមិ ជាងទង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។

៣-ឈ្មោះ សំអុល សុថាវីន ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ សិស្សសាលាប៊ែលធីសាខា

ទី១៧ (ឬស្សីកែវ) មានទីលំនៅផ្ទះគ្មានលេខ ផ្លូវបេតុង ភូមិទ្រង់ជ្រូក សង្កាត់គោករកា ខណ្ឌព្រែកព្នៅ រាជធានីភ្នំពេញ -ឃាត់ខ្លួនថ្ងៃទី១៤ ខែឧសភា ឆ្នាំ២០២៤ វេលាម៉ោង ២៣ និង ៣០ នាទី នៅចំណុចដីឡូតិ៍តារាងបាល់ទះ ភូមិ ជាងទង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។

៤-ឈ្មោះ យួន ប៊ុនរ៉ានិច ហៅវ៉ែនតា ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ សិស្សវិទ្យាល័យ ភ្នំពេញថ្មី មានទីលំនៅផ្ទះគ្មានលេខ ផ្លូវបេតុង ភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។ឃាត់ខ្លួនថ្ងៃទី១៤ ខែឧសភា ឆ្នាំ២០២៤ វេលាម៉ោង ២៣ និង ៣០ នាទី នៅចំណុចដីឡូតិ៍តារាងបាល់ទះ ភូមិជាងទង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។

៥-ឈ្មោះ តូ សុធា ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ សិស្សសាលាមុំ មានទីលំនៅផ្ទះគ្មាន លេខ ផ្លូវបេតុង ភូមិជំរៅ សង្កាត់គោករកា ខណ្ឌព្រែកព្នៅ រាជធានីភ្នំពេញ។ ឃាត់ខ្លួនថ្ងៃទី១៤ ខែឧសភា ឆ្នាំ២០២៤ វេលាម៉ោង ២៣ និង ៣០ នាទី នៅចំណុចដីឡូតិ៍តារាងបាល់ទះ ភូមិ ជាងទង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។

៦-ឈ្មោះ ទឹត ផារ៉ាដេត ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ សិស្សវិទ្យាល័យចាក់អង្រែ

ក្រោម មានទីលំនៅផ្ទះលេខ១ ផ្លូវបេតុង ភូមិទួលរកា សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។ ឃាត់ខ្លួនថ្ងៃទី១៤ ខែឧសភា ឆ្នាំ២០២៤ វេលាម៉ោង ២៣ និង ៣០ នាទី នៅចំណុចដីឡូតិ៍តារាងបាល់ទះ ភូមិ ជាងទង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។

៧-ឈ្មោះ សុផល ករុណា ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ សិស្សសាលាសុវណ្ណាភូមិ

(ពោធិចិនតុង២) មានទីលំនៅផ្ទះគ្មានលេខ ផ្លូវបេតុង ភូមិពុទ្រា សង្កាត់គោករកា ខណ្ឌព្រែកព្នៅ រាជធានីភ្នំពេញ ។ឃាត់ខ្លួនថ្ងៃទី១៤ ខែឧសភា ឆ្នាំ២០២៤ វេលាម៉ោង ២៣ និង ៣០ នាទី នៅចំណុចដីឡូតិ៍តារាងបាល់ទះ ភូមិជាងទង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។

៨-ឈ្មោះ រឿន សុវណ្ណារ័ត្ន ភេទ ប្រុស អាយុ ១៨ ឆ្នាំ ជនជាតិ ខ្មែរ មុខរបរ នៅផ្ទះ មានទីលំនៅផ្ទះគ្មាន លេខ ផ្លូវបេតុង ភូមិជាងទង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ឃាត់ខ្លួនថ្ងៃទី១៤ ខែឧសភា ឆ្នាំ២០២៤ វេលាម៉ោង ២៣ និង ៣០ នាទី នៅចំណុចដីឡូតិ៍តារាងបាល់ទះ ភូមិ ជាងទង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។

៩-ឈ្មោះ លី ឧត្តមភក្តី ហៅ ប៉ាវ ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ សិស្សវិទ្យាល័យ

ភ្នំពេញថ្មី មានទីលំនៅផ្ទះលេខ២៦៦ ផ្លូវស៊ី ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។ ឃាត់ខ្លួនថ្ងៃទី១៥ ខែឧសភា ឆ្នាំ២០២៤ វេលាម៉ោង ១៦ និង ៣០ នាទី នៅចំណុចបុរីឈូកមាស ផ្លូវបេតុង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

១០-ឈ្មោះ សាម សុធារិទ្ធ ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ នៅផ្ទះ មានទីលំនៅផ្ទះគ្មាន លេខ ផ្លូវលំ ភូមិស្វាយចេក សង្កាត់គោករកា ខណ្ឌព្រែកព្នៅ រាជធានីភ្នំពេញ ។ឃាត់ខ្លួនថ្ងៃទី១៦ ខែឧសភា ឆ្នាំ២០២៤ វេលាម៉ោង ២១ និង ២០ នាទី នៅចំណុចភូមិសំរោង សង្កាត់ សំរោងក្រោម ខណ្ឌពោធិសែនជ័យ រាជធានភ្នំពេញ (ក្មេងទំនើងក្រុមឈូកវ៉ា១ (CV1) ។

១១-ឈ្មោះ ឆេង ភីរៈយុទ្ធ ភេទ ប្រុស អាយុ ១៨ ឆ្នាំ ជនជាតិ ខ្មែរ មុខរបរ សិស្សវិទ្យាល័យឬស្សីកែវ

ថ្នាក់ទី១១ ដេ២ មានទីលំនៅផ្ទះជួល ផ្លូវលំ ភូមិអង្គតាកូវ សង្កាត់គោករកា ខណ្ឌព្រែកព្នៅ រាជធានីភ្នំពេញ ឃាត់ខ្លួនថ្ងៃទី១៦ ខែឧសភា ឆ្នាំ២០២៤ វេលាម៉ោង ២១ និង ២០ នាទី នៅចំណុចភូមិសំរោង សង្កាត់ សំរោងក្រោម ខណ្ឌពោធិសែនជ័យ រាជធានភ្នំពេញ (ក្មេងទំនើងក្រុមឈូកវ៉ា១ (CV1) ។

១២-ឈ្មោះ មាន នីត ភេទ ប្រុស អាយុ ២១ ឆ្នាំ ជនជាតិ ខ្មែរ មុខរបរ នៅផ្ទះ មានទីលំនៅផ្ទះមិនចាំ លេខ ផ្លូវលំ ភូមិជំរៅ សង្កាត់គោករកា ខណ្ឌព្រែកព្នៅ រាជធានីភ្នំពេញ ។

ឃាត់ខ្លួនថ្ងៃទី១៦ ខែឧសភា ឆ្នាំ២០២៤ វេលាម៉ោង ២១ និង ២០ នាទី នៅចំណុចភូមិសំរោង សង្កាត់ សំរោងក្រោម ខណ្ឌពោធិសែនជ័យ រាជធានភ្នំពេញ (ក្មេងទំនើងក្រុមឈូកវ៉ា១ (CV1) ។

១៣-ឈ្មោះ វៃ ចិត្រា ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ នៅផ្ទះ មានទីលំនៅផ្ទះមិនចាំ លេខ ផ្លូវលំ ភូមិព្រៃធំ សង្កាត់គោករកា ខណ្ឌព្រែកព្នៅ រាជធានីភ្នំពេញ ។ ឃាត់ខ្លួនថ្ងៃទី១៦ ខែឧសភា ឆ្នាំ២០២៤ វេលាម៉ោង ២១ និង ២០ នាទី នៅចំណុចភូមិសំរោង សង្កាត់

សំរោងក្រោម ខណ្ឌពោធិសែនជ័យ រាជធានភ្នំពេញ (ក្មេងទំនើងក្រុមឈូកវ៉ា១ (CV1) ។

១៤-ឈ្មោះ សុវណ្ណ ណារ៉ា ភេទ ប្រុស អាយុ ១៩ ឆ្នាំ ជនជាតិ ខ្មែរ មុខរបរ នៅផ្ទះ មានទីលំនៅផ្ទះមិន ចាំលេខ ផ្លូវលំ ភូមិស្វាយចេក សង្កាត់គោករកា ខណ្ឌព្រែកព្នៅ រាជធានីភ្នំពេញ ។ឃាត់ខ្លួនថ្ងៃទី១៦ ខែឧសភា ឆ្នាំ២០២៤ វេលាម៉ោង ២១ និង ២០ នាទី នៅចំណុចភូមិសំរោង សង្កាត់ សំរោងក្រោម ខណ្ឌពោធិសែនជ័យ រាជធានភ្នំពេញ (ក្មេងទំនើងក្រុមឈូកវ៉ា១ (CV1) ។

ចំណែក សម្ភារៈ និងវត្ថុតាងចាប់យករួមមាន ៖

-ដុំថ្មចំនួន០២ ដុំ

-ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៨ ឡើងតែម២០២១ លេខតួ លេខម៉ាស៊ីន

៥២១៤២៧៨ ពាក់ផ្លាកលេខសៀមរាប១AA-៣៤១០ ចំនួន ០១ គ្រឿង

-ម៉ូតូម៉ាក SUZUKI NET ពណ៌លឿង-ស សេរីឆ្នាំ២០២៤ លេខតួ៩៥៣១ លេខម៉ាស៊ីន៩៧៨០ ពាក់ផ្លាក លេខភ្នំពេញ១KN-៥៦០៥ ចំនួន០១គ្រឿង ។

-ម៉ូតូម៉ាក SUZUKI NEX សេរីឆ្នាំ២០២៤ ពណ៌ស-ខៀវ លេខតួ៩៤៦៣ លេខម៉ាស៊ីន៩៧១២ ពាក់ផ្លាកលេខ

ភ្នំពេញ១KM-៥៤១១ ចំនួន០១គ្រឿង ។

-ម៉ូតូម៉ាក SUZUKI NET CROSSOVER ពណ៌ស-ខ្មៅ សេរីឆ្នាំ២០២២ លេខតួ និងលេខម៉ាស៊ីន៥១៣៩

ពាក់ផ្លាកលេខ ភ្នំពេញ១KQ-០៥១៩ ចំនួន០១គ្រឿង ។

-ម៉ូតូម៉ាក SUZUKI NEX ពណ៌ស ពាក់ផ្លាកលេខភ្នំពេញ-៧៤៣៨ ចំនួន០១គ្រឿង ។

-ម៉ូតូម៉ាកហុងដាសេ១២៥ ពណ៌ ខ្មៅ ពាក់ផ្លាកលេខភ្នំពេញ១JD-១៩៥៧ ចំនួន ០១ គ្រឿង។

បច្ចុប្បន្នជនសង្ស័យ និងវត្ថុតាងខាងលើ ការិយាល័យកសាងសំណុំរឿងបញ្ជូនទៅសាលាដំបូងរាជធានី

ភ្នំពេញ ដើម្បីចាត់ការតាមនីតិវិធី ៕ អែល មេសា