នាព្រឹកថ្ងៃទី១៨ ខែធ្នូ ឆ្នាំ២០២៤ វីរកីឡាករ សាលី អ៊ូមើតនឹងក្រុមកីឡាម៉ូតូទឹកលំដាប់ថ្នាក់ពិភពលោក តំណាងអោយប្រទេសកម្ពុជាបាននាំពានរង្វាន់៤ទ្វីបផ្នែកកីឡាម៉ូតូទឹកចូលជួបសម្តែងការគួរសមជាមួយឯកឧត្តមខៀវ កញ្ញារីទ្ធ អ្នកតំណាងរាស្ត្រមណ្ឌលកំពង់ចាម នៅវិមានរដ្ឋសភាជាតិ ។

អស់រយៈពេល០៥ថ្ងៃពេញ ដោយចាប់ពីថ្ងៃទី១១ដល់ថ្ងៃទី១៥ ខែធ្នូ ឆ្នាំ ២០២៤ ក្រុមកីឡាករម៉ូតូទឹកជម្រើសជាតិកម្ពុជាដណ្តើមបាន មេដាយ ៧គ្រឿង បន្ថែម និងលើសពីឆ្នាំរាល់ដងក្រុមកីឡាករម៉ូតូទឹកគ្រាប់ពេជ្រកម្ពុជា ដែលដឹកនាំដោយវីរកីឡាករលោក សាលី អ៊ូមើត ដណ្តើមបាន ពានរង្វាន់លំដាប់ថ្នាក់ពិភពលោក World Cup Jet ski 1គ្រឿង ពានរង្វាន់ World Series Championship ចំនួន ៤គ្រឿង និងពានរង្វាន់លំដាប់ទ្វីបអាស៊ី (Asian ChampionShip) ចំនួន៤គ្រឿង បន្ថែមទៀត ។

សូមជម្រាបជូនថា អត្តពលិកម៉ូតូទឹកក្រសួងមហាផ្ទៃ ដឹកនាំដោយ វីរកីឡាករ សាលី អូមើត ចូលរួមព្រឹត្តិការណ៍ដែលប្រព្រឹត្តទៅកាលពីថ្ងៃទី ១១ ដល់ថ្ងៃទី១៥ ខែធ្នូ ឆ្នាំ២០២៤

ជាលទ្ធផលសមាគមក្រសួងមហាផ្ទៃ ដណ្ដើមបានមេដាយសរុបចំនួន ៧គ្រឿង មាសចំនួន ០៣គ្រឿង និងប្រាក់ចំនួន ០៤គ្រឿង ក្នុងចំណោមមេដាយសរុប ១៣គ្រឿងរបស់កម្ពុជា ៕ដោយ៖លីណា