បាត់ដំបង៖ យុវតីម្នាក់ក្លាយទៅជាជនសង្ស័យ ក្រោយបាន ខ្ចីម៉ូតូរបស់បុរសម្នាក់ជិះនៅបាត់ដំបង បែរជាយកទៅលក់នៅបន្ទាយមានជ័យ ហើយព្យាយាមរត់គេចខ្លួន ត្រូវបានជនរងគ្រោះប្តឹងសមត្ថកិច្ចស្រាវជ្រាវចាប់ខ្លួនបាន កាលថ្ងៃទី១២ ខែមីនា ឆ្នាំ២០២១ នៅត្រង់ចំណុចភូមិអូរក្រូច ឃុំបឹងរាំង ស្រុកកំរៀង ខេត្តបាត់ដំបង។
យុវតីខាងលើនេះមានឈ្មោះ ស.រ.ត.ល ហៅភូ ភេទស្រី អាយុ១៤ឆ្នាំ រស់នៅភូមិល្វាទេ ឃុំត្រាងស្រុក កំរៀងខេត្តបាត់ដំបង ។
តាមរបាយការណ៍ពីសមត្ថកិច្ចបានបញ្ជាក់ថា យុវតីខាងលើនេះ បានប្រ់ល្បិចធ្វើជាខ្ចីម៉ូតូម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៥ របស់ជនរងគ្រោះមានឈ្មោះ ទូច ចាន់ ភេទប្រុស អាយុ៤៣ឆ្នាំ រស់នៅភូមិភ្នំចាំចាប ឃុំបឹងរាំង ស្រុកកំរៀង កាលពីថ្ងៃទី៣ ខែមីនា ឆ្នាំ២០២១ ចេញពីក្រុមទី១៩ ក្នុងភូមិដូង ឃុំបឹងរាំង ស្រុកកំរៀង បែរជាបែកគំនិតជិះម៉ូតូនេះ ទៅលក់នៅខេត្តបន្ទាយមានជ័យ ហើយព្យាយាមរត់គេចខ្លួន តែចុងក្រោយក៏ត្រូវសមត្ថកិច្ចចាប់ខ្លួនបាន និងកំពុងកសាងសំណុំរឿងចាត់ការាតមច្បាប់បន្តទៀត៕
