ខេត្តកំពង់ស្ពឺ៖ ដោយបានការយកចិត្ដទុកដាក់ខ្ពស់ពីសំណាក់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ លើការផ្ដល់-ទទួលព័ត៌មានតាមរយៈមហាជនមកកាន់ផេកផ្លូវការ ស្នងការដ្ឋាននគរបាលខេត្តកំពង់ស្ពឺ នៅរសៀលថ្ងៃទី៨ ខែឧសភា ឆ្នាំ២០២៥ កម្លាំងនគរបាលផ្នែក ប្រឆាំងបទល្មើសគ្រឿងញៀនស្រុកសំរោងទង បានចុះស្រាវជ្រាវដោយសហការជាមួយ ប៉ុស្ដិ៍នគរបាលរដ្ឋបាលកាហែង បានការធ្វើឃាត់ខ្លួនមុខសញ្ញាជួញដូរដោយខុសច្បាប់នូវសារធាតុញៀនម្នាក់ ឃាត់នៅចំណុចភូមិដីក្រហម ឃុំធម្មតាអរ ស្រុកសំរោងទង ខេត្តកំពង់ស្ពឺ ។ នេះបើយោងតាមផេកផ្លូវការរបស់ ស្នងការដ្ឋាននគរបាលខេត្តកំពង់ស្ពឺ ។
សមត្ថកិច្ចបានឲ្យដឹងថា ជនសង្ស័យមាន ឈ្មោះ មួង សុខុម ភេទប្រុស អាយុ ៤២ឆ្នាំ នៅភូមិដីក្រហម ឃុំធម្មតាអរ ស្រុកសំរោងទង ខេត្តកំពង់ស្ពឺ ។
ក្នុងនោះសមត្ថកិច្ចធ្វើការដកហូតវត្ថុតាងរួមមាន : ម្សៅក្រាមពណ៌សថ្លាសង្ស័យជាគ្រឿងញៀនចំនួន ៧ កញ្ចប់ (មធ្យម ១ កញ្ចប់,តូច ៦ កញ្ចប់),ទូរស័ព្ទដៃ ១គ្រឿង ។
ជនសង្ស័យបានឆ្លើយទទួលស្គាល់ថា កន្លងមកខ្លួនពិតជាបានចែកចាយជួញដូរថ្នាំញៀននៅក្នុងមូលដ្ឋានប្រាកដមែន ករណីខាងលើនេះកំលាំងបានបញ្ជូនមកអធិការដ្ឋាននគរបាលស្រុក ដើម្បីបំពេញនីតិវិធីសាកសួរនឹងកសាងសំណុំរឿងចាត់ការតាមនីតិវិធី ៕
