រាជធានីភ្នំពេញ៖ មានហេតុការណ៍ដ៏រន្ធត់មួយបានកើតឡើងដោយក្មេងប្រុសម្នាក់បានលាម្ដាយទៅសាលាមុន ដោយហេតុខ្លាចហួសម៉ោងរៀន ប៉ុន្តែជាអកុសល មកតាមផ្លូវ បែរជាជួបគ្រោះថ្នាក់ចរាចរណ៍ ត្រូវរថយន្តកិនបែកក្បាលខ្ទេចស្លាប់យ៉ាងរន្ធត់ នៅតាមបណ្ដោយផ្លូវ២០១១ ស្ថិតក្នុងសង្កាត់គោរកា ខណ្ឌព្រែកព្នៅ រាជធានីភ្នំពេញ វេលាម៉ោង៦និង៣០នាទីព្រឹក ថ្ងៃទី៤ ខែមេសា ឆ្នាំ២០២៥នេះ ។
យោងតាមប្រភពព័ត៌មានពីសាច់ញាតិក្មេងប្រុសរងគ្រោះខាងលើបានឲ្យដឹងថា មុនកើតហេតុក្មេងប្រុសឈ្មោះ សិទ្ធ អាយុ១០ឆ្នាំ បានសុំលាម្ដាយជិះកង់ទៅសាលា ព្រោះខ្លាចទៅមិនទាន់ម៉ោងរៀននៅសាលាបឋមសិក្សាគោរកា ជាកុសលក្មេងប្រុសខាងលើ បានជួបគ្រោះថ្នាក់ចរាចរណ៍ដោយបានជិះកង់បញ្ច្រាស់គ្នានឹងរថយន្ដ ហើយបានចាប់ហ្វ្រាំងរអិលដួលចូលក្រោមកង់រថយន្ដកុងតឺន័រដែលកំពុងតែបើកបរស្របទិស បណ្ដាលរថយន្ដកិនបែកក្បាលចេញខួរស្លាប់យ៉ាងរន្ធត់ ភ្លាមរថយន្តនេះ បានបើកបន្តចេញពីកន្លែងហេតុ បាត់ស្រមោល។
ក្រោយកើតហេតុសមត្តកិច្ចបានទាក់ទងរកសាច់ញាតិដើម្បីមកទទួលយកសព្វទៅធ្វើបុណ្យតាមប្រពៃណី ពេលដែលម្ដាយមកដល់បានឃើញសពរបស់កូនបានទ្រហោយំយ៉ាងអាណោចអាធ័មបំផុត ពាក់និងករណីនេះសមត្តកិច្ចនិងកំពុងបន្តធ្វើការស្រាវជ្រាវរករថយន្ដដើម្បីយកមកធ្វើការតាមនីតិវិធីច្បាប់៕ សំ ណាង
