ភ្នំពេញ៖ មុខសញ្ញាធាក់ប្លន់ម៉ូតូពីប្រជាពលរដ្ឋយ៉ាងសកម្មចំនួន៣នាក់ ត្រូវបានសមត្ថកិច្ចខណ្ឌកំបូល សហការគ្នាជាមួយកម្លាំងនគរបាលខណ្ឌពោធិ៍សែនជ័យ ធ្វើការស្រាវជ្រវចាប់ឃាត់ខ្លួនបានជាបន្តបន្ទាប់ កាលពីវេលាម៉ោង ១១និង៤៥នាទី ថ្ងៃទី៨ ខែមីនា ឆ្នាំ២០២១ ។
សមត្ថកិច្ចបាននិយាយថា ដំបូងឡើយសមត្ថកិច្ចចាប់ឃាត់ខ្លួនបានជនសង្ស័យម្នាក់ ស៊ុ ប៊ុនធួន ភេទប្រុស អាយុ ២១ឆ្នាំ មុខរបរមិនពិតប្រាកដ នៅចំណុចតាមផ្លូវលំ ភូមិអង្គ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ចំណុចមុខរោងចក្រថាក់ក្រាល ផ្លូវជាតិលេខ៤ ភូមិផ្សារកំបូល សង្កាត់កំបូល ខណ្ឌកំបូល រាជធានីភ្នំពេញ រួចបន្តធ្វើការចាប់ឃាត់ខ្លួនម្នាក់ទៀត ជនសង្ស័យឈ្មោះ ធាន ប៊ុនថាវ ភេទប្រុស អាយុ ១៨ឆ្នាំ មុខរបរមិនពិតប្រាកដ នៅចំណុចតាមផ្លូវបេតុង ភូមិត្រពាំងទួល សង្កាត់កំបូល ខណ្ឌកំបូល រាជធានីភ្នំពេញ និងជនសង្ស័យឈ្មោះ ប៉ែន រតនា ភេទប្រុស អាយុ២១ឆ្នាំ មុខរបរ អ្នកដឹកជញ្ជូន នៅចំណុចតាមផ្លូវបេតុង ភូមិស្ងួនពេជ្រ សង្កាត់កន្ទោក ខណ្ឌកំបូល រាជធានីភ្នំពេញ ។
សមត្ថកិច្ចបាននិយាយទៀតថា ជនរងគ្រោះឈ្មោះ ម៉ុន ភារម្យ ភេទប្រុស អាយុ២១ឆ្នាំ មុខរបរ អ្នកដឹកជញ្ជូន ស្នាក់នៅភូមិព្រៃបឹង សង្កាត់កន្ទោក ខណ្ឌកំបូល រាជធានីភ្នំពេញ។ បន្សល់ទុក ម៉ូតូ ចំនួន០១គ្រឿង ម៉ាកហុងដាសេ១២៥ ស៊េរី២០១៨ ពណ៌ខ្មៅ ពាក់ស្លាកលេខ ភ្នំពេញ1GT-9106 ។
បច្ចុប្បន្នជនសង្ស័យខាងលើ រួមទាំងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅកាន់ អធិការដ្ឋាននគរបាលខណ្ឌកំបូល ចាត់ការតាមច្បាប់បន្តទៀត៕
