ភ្នំពេញ៖ ជនសង្ស័យប្រុសស្រីសរុបចំនួន៣នាក់ បានធ្វើសកម្មភាពយកកាំបិតបុង័តោ កាប់ប្លន់យកម៉ូតូពីបុរសម្នាក់ មុខការ៉ាស់សាំងតូតាល់ ត្រូវបានសមត្ថកិច្ចប៉ុស្តិ៍ស្ទឹងមានជ័យទី៣ ដេញចាប់ខ្លួនបាន នៅថ្ងៃទី ១៤ ខែមីនា ឆ្នាំ ២០២១។
ស្នងការដ្ឋាននគរបាលរាជធានីភ្នំពេញ បញ្ជាក់ថា ជនរងគ្រោះឈ្មោះ លន់ សេងលី ភេទប្រុស អាយុ២៣ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលំ ភូមិទួលពង្រ សង្កាត់ចោមចៅទី១ ខណ្ឌមានជ័យ មុខរបរជាងឡាន។
ចំណែកជនសង្ស័យដែលឃាត់ខ្លួនបាន មានចំនួន០៣នាក់៖
១-ឈ្មោះ អៀង សុខហ័ង ភេទប្រុស ជនជាតិ ខ្មែរ ទីលំនៅផ្ទះជួលគ្មានលេខ ផ្លូវលំ ភូមិត្រពាំងទា សង្កាត់កាកាប២ ខណ្ឌមានជ័យ រាជធានីភ្នំពេញ មុខរបរ មិនពិតប្រាកដ ។
២-ឈ្មោះ ប៊ុន ថារ៉ាវុទ្ធ ភេទ ប្រុស ជនជាតិ ខ្មែរ ទីលំនៅផ្ទះជួលគ្មានលេខ ផ្លូវលំ ភូមិត្រពាំងទា សង្កាត់កាកាប២ ខណ្ឌមានជ័យ រាជធានីភ្នំពេញ មុខរបរ មិនពិតប្រាកដ ។
៣-ឈ្មោះ ផា ដាវី ភេទ ស្រី ជនជាតិ ខ្មែរ ទីលំនៅផ្ទះជួលគ្មានលេខ ផ្លូវបេតុង សង្កាត់បឹងសាឡាង ខណ្ឌទួលគោក រាជធានីភ្នំពេញ មុខរបរ មិនពិតប្រាកដ ។
សមត្ថកិច្ចបានបញ្ជាក់ថា វេលាម៉ោង១និង៤៥នាទី រំលងអាធ្រាត្រ ជនរងគ្រោះជិះម៉ូតូមកអង្គុយលេងជាមួយមិត្តភក្តិ ស្រាប់តែមានជនសង្ស័យ១៦នាក់ ប្រដាប់ដោយកាំបិតបុ័ងតោចំនួន ០១ដើម ជិះម៉ូតូចំនួន០៨គ្រឿង មកកាប់ទៅលើជនរងគ្រោះ របួសក្បាលចំហៀងខាងឆ្វេង ០១កន្លែង និងមេដៃខាងស្តាំចំនួន ០១កន្លែង ហើយយកម៉ូតូ ០១គ្រឿង ម៉ាកហុដាសេ១២៥ ពណ៌ខ្មៅ ជារបស់ជនរងគ្រោះ ជិះគេចខ្លួនបាត់។
សមត្ថកិច្ចបានបញ្ជាក់ទៀតថា ឃើញដូចនោះ កម្លាំងប៉ុស្តិ៍នគរបាលរដ្ឋបាល ស្ទឹងមានជ័យទី៣ បានដេញចាប់ខ្លួនជនសង្ស័យបានចំនួន ០៣នាក់ នៅចំណុចមុខបុរីសន្តិភាព២ ផ្លូវបេតុង ភូមិបុរីសន្តិភាព២ សង្កាត់ចោមចៅ២ ខណ្ឌពោធិ៍សែនជ័យ យកមកសាកសួរនៅទីស្នាក់ការប៉ុស្តិ៍ចាត់ការតាមច្បាប់។
ចំណែកបក្ខពួក១៣នាក់ទៀត បានរត់គេចខ្លួនបាត់អស់ ដោយយកម៉ូតូរបស់ជនរងគ្រោះទៅជាមួយ៕ ប្រភព៖ ស្នងការដ្ឋាននគរបាលរាជធានីភ្នំពេញ
