អន្តរជាតិ៖ សារព័ត៌មាន Bangkok Post បានចេញផ្សាយនៅ ល្ងាចថ្ងៃទី០២ ខែមិថុនា ឆ្នាំ២០២១ បានឲ្យដឹងថា រដ្ឋមន្រ្តីការបរទេសឥណ្ឌូនេស៊ី បានអំពាវនាវនៅថ្ងៃពុធនេះ ដល់សមាគមប្រជាជាតិអាស៊ីអាគ្នេយ៍ សូមប្រកាសជាផ្លូវការនូវប្រេសិតម្នាក់ទៅកាន់ប្រទេសមីយ៉ាន់ម៉ា ដែលកំពុងមានបញ្ហាគឺជាងមួយខែ បន្ទាប់ពីប្លុកនេះបានព្រមព្រៀងគ្នា ដើម្បីព្យាយាមបញ្ចប់ភាពចលាចល បន្ទាប់ពីរដ្ឋប្រហារយោធា។

អាស៊ានកំពុងដឹកនាំកិច្ចប្រឹងប្រែងការទូតដ៏សំខាន់លើមីយ៉ាន់ម៉ា ចាប់តាំងពីរដ្ឋប្រហារថ្ងៃទី ១ ខែកុម្ភៈ បានធ្វើឱ្យប្រទេសនេះ មានភាពវឹកវរដោយមានការសម្លាប់រាប់រយនាក់ដោយកម្លាំងសន្តិសុខ រាប់ពាន់នាក់ត្រូវជាប់ពន្ធនាគារ ការតវ៉ាប្រចាំថ្ងៃ ការធ្វើកូដកម្ម គឃ្លើន និងការរីករាលដាលជម្លោះនៅតាម តំបន់ព្រំដែន។

ការរីកចម្រើនជាក់ស្តែង បានកើតឡើងតិចតួចណាស់ ចាប់តាំងពីអាស៊ាន បាននិយាយនៅក្នុងកិច្ចប្រជុំមួយនៅរដ្ឋធានីរបស់ឥណ្ឌូនេស៊ី កាលពីខែមេសាថា ខ្លួនបានឈានដល់«ការមូលមតិគ្នាមួយ»ជាមួយរដ្ឋជាសមាជិកដែលគ្រប់គ្រងដោយរបបយោធាមីយ៉ាន់ម៉ា។

រដ្ឋមន្រ្តីក្រសួងការបរទេសលោក Retno Marsudi បានប្រាប់សន្និសីទសារព័ត៌មានតាមវីដេអូនៅទីក្រុងហ្សាការតាថា“ ការតែងតាំងប្រេសិតពិសេសត្រូវតែធ្វើឡើងជាបន្ទាន់ហើយការប្រាស្រ័យទាក់ទងជាមួយគ្រប់ភាគីទាំងអស់ត្រូវតែរក្សាឱ្យបាន” ។

ប្រភពការទូតបាននិយាយកាលពីថ្ងៃអង្គារថា ប្រធាននិងអគ្គលេខាធិការនៃប្រទេសអាស៊ានទាំង ១០ គ្រោងនឹងធ្វើដំណើរទៅទីនោះនៅប៉ុន្មានថ្ងៃខាងមុខ ដើម្បីតាមដានការឯកភាពគ្នា ៥ ចំណុចដែលប្លុកនេះបានយល់ស្រប។

ចំណុចទាំងនោះ រួមមានការបញ្ចប់អំពើហិង្សា ការសន្ទនាប្រកបដោយការស្ថាបនា ក្នុងចំណោមភាគីទាំងអស់ ប្រេសិតអាស៊ានពិសេស ដើម្បីជួយសម្រួល ដល់ការសន្ទនាការទទួលយកជំនួយនិងដំណើរទស្សនកិច្ចរបស់ប្រេសិតមីយ៉ាន់ម៉ា។

ជាជាងយល់ព្រមក្នុងការសន្ទនាជាមួយកងកម្លាំងប្រឆាំងដែលបានបង្កើតរដ្ឋាភិបាលបង្រួបបង្រួមជាតិ ដែលជាគូប្រជែងរបបយោធា បានដាក់ឈ្មោះពួកគេថា ជាភេរវករនិងជាជនក្បត់។

លោក Retno បាននិយាយថា« កិច្ចពិភាក្សាដែលមានបញ្ចូលគួរតែត្រូវបានលើកទឹកចិត្ត ដើម្បីដោះស្រាយវិបត្តិនយោបាយនៅក្នុងប្រទេសមីយ៉ាន់ម៉ា និងដើម្បីនាំលទ្ធិប្រជាធិបតេយ្យត្រឡប់មកវិស័យនយោបាយរបស់មីយ៉ាន់ម៉ាវិញ ស្របតាមឆន្ទៈរបស់ប្រជាជនមីយ៉ាន់ម៉ា»៕ ប្រភព៖ Bangkok Post ប្រែសម្រួល៖ នង ណារិន