អន្តរជាតិ៖ សារព័ត៌មាន Bangkok Post បានចេញផ្សាយនៅថ្ងៃទី១០ ខែមិថុនា ឆ្នាំ២០២១ បានឲ្យដឹងថា កាសែត Global New Light of Myanmar បានរាយការណ៍នៅថ្ងៃព្រហស្បតិ៍នេះថា ករណីអំពើពុករលួយថ្មី ត្រូវបានបើកចោទលើលោកស្រី អោង សានស៊ូជី និងអតីតមន្រ្តីផ្សេងទៀតពីរដ្ឋាភិបាលរបស់លោកស្រី។

ករណីទាំងនេះគឺជារឿងចុងក្រោយនៃបណ្តុំ ដែលប្រឆាំងនឹងមេដឹកនាំជាប់ឆ្នោតលោកស្រី ស៊ូជី ដែលត្រូវបានផ្តួលរំលំដោយយោធា កាលពីថ្ងៃទី ១ខែកុម្ភៈ ក្នុ ងរដ្ឋប្រហារ ដែលបានធ្វើឱ្យប្រទេសធ្លាក់ចូលក្នុងភាពវឹកវរ។

កាសែតរដ្ឋបានដកស្រង់សម្តីរបស់គណៈកម្មការប្រឆាំងអំពើពុករលួយថា ការចោទប្រកាន់ពាក់ព័ន្ធ នឹងការប្រើប្រាស់ដីធ្លីមិនត្រឹមត្រូវ សម្រាប់មូលនិធិ Daw Khin Kyi Foundation ដែលលោកស្រីធ្វើជាប្រធានក៏ដូចជាការចោទប្រកាន់មុន ៗ ក្នុងការទទួលយកសំណូកជាប្រាក់និងមាស។

ឯកសារនេះបាននិយាយថា សំណុំរឿងត្រូវបានបើកប្រឆាំងនឹងលោកស្រីស៊ូជី និងមន្រ្តីជាច្រើនរូបទៀតមកពីរដ្ឋធានីណាន់យ៉ាន នៅឯប៉ុស្តិ៍ប៉ូលិសកាលពីថ្ងៃពុធ។

កាសែតនេះបាននិយាយថា«លោកស្រីត្រូវបានគេរកឃើញថាមានពិរុទ្ធពីបទប្រព្រឹត្តអំពើពុករលួយដោយប្រើឋានៈរបស់លោកស្រី។ ដូច្នេះលោកស្រីត្រូវបានចោទប្រកាន់ក្រោមច្បាប់ប្រឆាំងអំពើពុករលួយ»។ ច្បាប់នោះផ្តល់នូវការជាប់ពន្ធនាគាររហូតដល់ ១៥ ឆ្នាំ ចំពោះអ្នកដែលត្រូវបានរកឃើញថាមានពិរុទ្ធ។

ករណីដែលលោកស្រីស៊ូជីបានប្រឈមមុខរួចទៅហើយ រាប់ចាប់ពីការកាន់ឧបករណ៍ទាក់ទងដោយគ្មានការអនុញ្ញាត, អំពើពុករលួយ និងការបំពានច្បាប់ការពារកិច្ចសម្ងាត់ជាតិជាដើម។ ក្រុមអ្នកគាំទ្រលោកស្រីនិយាយថា ករណីទាំងនេះមានហេតុផលនយោបាយ។

យោធាបានផ្តួលរំលំលោកស្រីស៊ូជីដោយនិយាយថា គណបក្សរបស់លោកស្រី បានចាញ់ឆ្នោតនៅក្នុងការបោះឆ្នោតខែវិច្ឆិកា ដែលជាការចោទប្រកាន់មួយ ត្រូវបានបដិសេធដោយគណៈកម្មាធិការរៀបចំការបោះឆ្នោត និងអ្នកឃ្លាំមើលអន្តរជាតិ។

ចាប់តាំងពីពេលនោះមកយោធាបានបរាជ័យក្នុងការបង្កើតការគ្រប់គ្រង។ដែលការនេះបានប្រឈមនឹងការតវ៉ារាល់ថ្ងៃការធ្វើកូដកម្មនានា ដែលបានធ្វើ សេដ្ឋកិច្ចរាំងស្ទះ ដោយក្រុមប្រឆាំងនៃរបបយោធា និង ការសម្លាប់ ការវាយប្រហារដោយគ្រាប់បែក កើតឡើងជាថ្មី នៃជម្លោះនៅក្នុងតំបន់ព្រំដែនប្រទេសមីយ៉ាន់ម៉ា ៕ ប្រភព៖ Bangkok Post ប្រែសម្រួល៖ នង ណារិន