ខេត្តមណ្ឌលគិរី៖ មនុស្សប្រុសស្រីចំនួន៩នាក់ត្រូវបានកម្លាំងសមត្ថកិច្ចនគរបាលខេត្តមណ្ឌលគិរីឃាត់ខ្លួនបានជាបន្តបន្ទាប់ពាក់ព័ន្ធទៅនឹងករណីគ្រឿងញៀន កាលពីថ្ងៃអង្គារ១៣កើត ខែបឋមសាឍឆ្នាំជូត ត្រីស័ក ព.ស ២៥៦៥ត្រូវនឹងថ្ងៃទី២២ ខែមិថុនាឆ្នាំ២០២១ វេលាម៉ោង០៩ និង៣០នាទី កម្លាំងនៃអធិការដ្ឋាននគរបាលស្រុកអូររាំង សហការជាមួយកម្លាំងជំនាញការិយាល័យប្រឆាំងគ្រឿងញៀនខេត្ត ដោយមានការសម្របសម្រួលពីលោក ម៉ម វ៉ាន់ ដា ព្រះរាជអាជ្ញាអមសាលាដំបូងខេត្តមណ្ឌលគិរី បានចុះបង្រ្កាបករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន និងករណីប្រើប្រាស់អាវុធដោយខុសច្បាប់ នៅចំណុចផ្ទះរបស់ឈ្មោះ ឡាំ លន់ ស្ថិតក្នុងក្រុមពូជូរ ភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី ។

ប្រភពព័ត៍មានថាការឃាត់ខ្លួនជនសង្ស័យម្នាក់ជាម្ចាស់ផ្ទះឈ្មោះ ឡាំ លន់ ភេទប្រុស អាយុ ៦២ឆ្នាំ និងបានចាប់យកសម្ភារៈវត្ថុតាងមួយចំនួនមានដូចខាងក្រោម៖

១- សារធាតុសង្ស័យជាសារធាតុញៀនមានសណ្ឋានជាក្រាមពណ៌ស ថ្លាចំនួន ០៦កញ្ចប់(០៣កញ្ចប់ធំល្មម និង០៣កញ្ចប់តូច)ទម្ងន់២៣,៥២ក្រាម(ថ្លឹងទាំងសំបកថង់)។

២- កាបូបដៃ(ពណ៌ដី) ០១

៣- អាវុធកែច្ឆៃ ០៣ ដើម

៤- ជញ្ជីង ថ្លឹងសារធាតុញៀន ០១ គ្រឿង

៥- ដាវសាំម៉ារ៉ៃ ០១

៦- កន្ត្រៃ ០៤

៧- ទុយោ ០១ ដុំ

៨- កាំបិតតូចស្រួច ០៣

៩- ដែកជំពុះទុង ០១

១០- ប្រាក់ចំនួន ៤,២០០,០០០៛(បួនលានម្ភៃម៉ឺនរៀល)នឹងប្រាក់ដុល្លា រ៦០$ (ហុកសិបដុល្លារ)

១១- លោហៈធាតុសង្ស័យផ្លាកទីន(ខ្សែក) ១ខ្សែ

១២- ចិញ្ចៀន ២វង់

១៣- កាបូបខ្មៅដាក់សម្ភារៈ ១

១៤- កូនសៀវភៅ ១ក្បាល

១៥- ទូរស័ព្ទ ៥គ្រឿង

១៦- សំបកថង់សម្រាប់វេចខ្ចប់គ្រឿងញៀន ១៧៧ថង់។

១៧- ម៉ូតូ ៥គ្រឿង(ខូច២គ្រឿង) និងម៉ូតូអ្នកប្រើប្រាស់គ្រឿងញៀនខាងក្រោមចំនួន៤គ្រឿង ទៀតសរុប៩គ្រឿង ។

១៨- ឧបករណ៍កែច្នៃសំរាប់ជក់គ្រឿងញៀនមួយចំនួន ។

សមត្ថកិច្ចបានបន្តទៀតថាបន្ទាប់មកកម្លាំងជំនាញប្រឆាំងគ្រឿងញៀនស្រុកអូររាំង បន្តធ្វើការឃាត់ខ្លួនជនសង្ស័យពាក់ព័ន្ធចំនួន៨នាក់បន្ថែមទៀត ៖

១- ឈ្មោះ ភឿង សុភារ៉ា ភេទប្រុស អាយុ៣០ឆ្នាំមុខរបរកសិករមានទីលំនៅភូមិពូហ្យាម ឃុំសែនមនោរម្យ ស្រុកអូររាំងខេត្តមណ្ឌលគិរី លទ្ធផល វិជ្ជមាន (+)។ វត្ថុតាងម៉ូតូ ១គ្រឿង ម៉ាក ឆ្លាម ពណ៌ទឹកសមុទ្រ។

២- ឈ្មោះ អ៊ាន ឡើង ភេទប្រុស អាយុ២៩ឆ្នាំមុខរបរ កសិករ មានទីលំនៅ ភូមិ អណ្ដូងក្រឡឹង ឃុំសែនមនោរម្យស្រុកអូររាំងខេត្តមណ្ឌលគិរី លទ្ធផល វិជ្ជមាន (+)។ វត្ថុតាងម៉ូតូ ១គ្រឿង ម៉ាក វ៉េវ ពណ៌ស។

៣- ឈ្មោះ សាលី ផេង ភេទប្រុស អាយុ៣៣ឆ្នាំមុខរបរ កសិករ ភូមិ ស្វាយចេក សង្កាត់ សុខដុម ក្រុងសែនមនោរម្យ ខេត្តមណ្ឌលគិរី លទ្ធផល វិជ្ជមាន (+)។

៤- ឈ្មោះ ធី ពិសី ភេទប្រុស អាយុ ១៨ឆ្នាំមុខរបរ កសិករ មានទីលំនៅ ភូមិ ពូឡេះឃុំដាក់ដាំស្រុកអូររាំង ខេត្តមណ្ឌលគិរី លទ្ធផល វិជ្ជមាន (+)។

៥- ឈ្មោះ ហ៊ីង ទិត្យ ភេទប្រុស អាយុ១៨ឆ្នាំ មុខរបរ កសិករ មានទីលំនៅ ភូមិ ពូឡេះឃុំដាក់ដាំស្រុកអូររាំង ខេត្តមណ្ឌលគិរី លទ្ធផល វិជ្ជមាន (+)។ វត្ថុតាងម៉ូតូ ១គ្រឿង ម៉ាកឆ្លាម ពណ៌ស។

៦- ឈ្មោះ ព្លើម ធី ភេទស្រី អាយុ៤៨ឆ្នាំមុខរបរកសិករ មានទីលំនៅ ភូមិ អណ្ដូងក្រឡឹងឃុំសែនមនោរម្យស្រុកអូររាំងខេត្តមណ្ឌលគិរី លទ្ធផល វិជ្ជមាន (+)។

៧- ឈ្មោះ រស់ រិទ្ធ ភេទប្រុស អាយុ ២៥ឆ្នាំ មុខរបរកសិករ ទីលំនៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី លទ្ធផល វិជ្ជមាន (+)។

៨- ឈ្មោះ ថូ រដ្ឋាក់ ភេទប្រុស អាយុ ១៩ឆ្នាំ មុខរបរសិស្ស ថ្នាក់ទី១១ ទីលំនៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី លទ្ធផល វិជ្ជមាន (+)។ វត្ថុតាងម៉ូតូ ១គ្រឿង ម៉ាកឌ្រីម ពណ៌ខ្មៅ ឆ្នាំ២០២១។

បច្ចុប្បន្នជនសង្ស័យរួមទាំងវត្ថុតាងកម្លាំងការិយាលយ័ជំនាញ កំពុងកសាងសំណុំរឿងដើម្បីបញ្ជូនទៅកាន់តុលាការចាត់វិធានការតាមនីតិវិធី៕