រាជធានីភ្នំពេញ ៖ ជនសង្ស័យ២នាក់ ពាក់ព័ន្ធ ករណី ឆក់ កាបូប អ្នកដំណើរ តាម ផ្លូវ សាធារណៈ ត្រូវ បាន សមត្ថកិច្ច នគរបាល ប៉ុស្តិ៍ ទឹកល្អក់ ទី ៣ នៃ អធិការដ្ឋាន នគរបាល ខណ្ឌទួលគោក ធ្វើការបង្ក្រាបនិង ឃាត់ខ្លួនបាន បន្ទាប់ ពី ធ្វើ សម ក្ម ភាព ហើយ ព្យាយាម គេចខ្លួន កាលពីវេលាម៉ោង ០៤ និង ៣០ នាទី ព្រឹក ថ្ងៃ ទី ២៤ ខែមិថុនា ឆ្នាំ ២០២១ នៅ ចំណុច មុខ ផ្ទះ លេខ ២៧២ ផ្លូវ លេខ ១៨២ ក្រុម ទី ១០ ភូមិ ៤ សង្កាត់ ទឹកល្អក់ ទី ៣ ខណ្ឌទួលគោក រាជធានី ភ្នំពេញ ។
សមត្ថកិច្ច បាន ឲ្យ ដឹង ថា ជនសង្ស័យ ទាំង ០២ នាក់ ទី១ឈ្មោះ វណ្ណ សុ ភ័ក្ត្រ ហៅ ដា ភេទ ប្រុស អាយុ ៣៧ ឆ្នាំ មុខរបរ មិន ពិតប្រាកដ ស្នាក់ នៅផ្ទះ ជួល ផ្លូវ លេខ ២៨៩ សង្កាត់ បឹង កក់ ទី ២ ខណ្ឌទួលគោក រាជធានី ភ្នំពេញ និង ឈ្មោះ ជា ពិសាល ហៅ ពឹង ភេទ ប្រុស អាយុ ៣៨ ឆ្នាំ មុខរបរ មិន ពិតប្រាកដ ស្នាក់ នៅផ្ទះ ជួល ផ្លូវ បេតុង សង្កាត់ ភ្នំពេញ ថ្មី ខណ្ឌ សែន សុខ រាជធានី ភ្នំពេញ បាន ធ្វើ សកម្មភាព ឆក់ កាបូប ស្ត្រី ម្នាក់ ខណៈ កំពុង ជិះ លើ ម៉ូតូ កង់ ៣ ។
ភ្លាមៗ នោះ កម្លាំង នគរបាល ប៉ុស្តិ៍ រដ្ឋបាល សង្កាត់ ទឹកល្អក់ ទី ៣ កំពុង ល្បាត ការ ពារសុវត្ថិ ភាព សន្តិសុខ ក្នុង មូលដ្ឋាន បាន ដេញ តាម ស្ទាក់ ចាប់ ជនសង្ស័យ បាន ទាំង ០២ នាក់ ម៉ូតូ ០១ គ្រឿង រួម នឹង វត្ថុ តាង ដែល ជនសង្ស័យ ឆក់ បាន ។
បច្ចុប្បន្ន ជនសង្ស័យ ត្រូវ បាន ឃាត់ខ្លួន បណ្ដោះអាសន្ន នៅ អធិការដ្ឋាន នគរបាល ខណ្ឌទួលគោក ដើម្បី ធ្វើការ សាកសួរ និង បញ្ជូន សំណុំរឿង ទៅ កាន់ អយ្យការ អម សាលាដំបូង រាជធានី ភ្នំពេញ ចាត់ការ តាម នីតិវិធី ៕ ប្រភព៖ អគ្គស្នងការដ្ឋាននគរបាលជាតិ
