រាជធានីភ្នំពេញ ៖ ក្មេងស្ទាវចំនួន៣នាក់ ប្រៀបដូចមមៀចមិនខ្លាចភ្លើង ជិះម៉ូតូឌុបគ្នាតាមដងផ្លូវ ស្ពាយ កាបូប នៅ ខាងក្រោយ ចេញ ដង ដាវមក ខាងក្រៅ យ៉ាងអណាធិបតេយ ត្រូវបាននគរបាលខណ្ឌចំការមន សហការជាមួយ នគរបាល ប៉ុស្តិ៍ ផ្សារ ដើមថ្កូវ និង ប៉ុស្តិ៍នគរបាល ទួល ទំពូង ទី ១ ដេញ ស្ទាក់ ចាប់ខ្លួនបានភ្លាមៗយកមកប៉ុស្តិ៍ដើម្បីសាកសួរ ដកហូតបានកាំបិតផ្គាក់ចំនួន ១ និង ដាវ សា ម៉ូ រ៉ៃ ១ ដើម មុតស្ញាច តែម្តង បង្កការភ្ញាក់ផ្អើលកាលពីវេលាម៉ោង៦ល្ងាច ថ្ងៃទី២៤ ខែមិថុនា ឆ្នាំ២០២១ នៅ ចំណុចផ្លូវ លេខ ១៦៣ ក្នុង សង្កាត់ ទួល ទំពូង ទី ១ ខណ្ឌចំការមន រាជធានីភ្នំពេញ។

សមត្ថកិច្ចបានឲ្យដឹងថា មុនពេលកើតហេតុ កម្លាំងជំនាញកំពុងតែល្បាតក្នុងភូមិសាស្ត្រ ក៏បានឃើញ ក្រុមក្មេងស្ទាវ ៣ នាក់ អាយុចាប់ពី១៧ទៅ១៨ ឆ្នាំ ជិះ ម៉ូតូ ម៉ាក ហុងដាសេ ១២៥ ពណ៌ ខ្មៅ ពាក់ ស្លាក លេខ ភ្នំពេញ 1HV-0678 មួយគ្រឿង ឌុប គ្នា ដោយ យុវជន ម្នាក់ដែល ជិះ ខាងក្រោយ មាន ស្ពាយ កាបូប ពណ៌ ខៀវ មួយខាងក្រោយ ខ្នង ហើយមាន ចេញ ដង ដាវ សា ម៉ូ រ៉ៃ មក ខាងក្រៅ ច្រ ង៉ាង ទើបសមត្ថកិច្ច ដេញតាម ពួកគេក៏ដឹងខ្លួន ទើប បោះ កាបូបស្ពាយ នោះចោល រួចជិះរត់ ត្រូវបានសមត្ថកិច្ចចាក់ តាម អាយ ឌី វិទ្យុទាក់ទង ឲ្យជួយ ដេញតាមស្ទាក់រហូត ទៅដល់ ផ្លូវ លេខ ១៦៣ទើបចាប់បាន យកទៅ កាន់ នគរបាល ប៉ុស្តិ៍ ទួល ទំពូង ទី ១ដកហូតបានកាំបិតផ្គាក់ ចំនួន ១ និង ដាវ សា ម៉ូ រ៉ៃ ១ ដើម និង ម៉ូតូ ម៉ាក ហុងដា សេ ១២៥ មួយគ្រឿង ដែល ពួកគេ ជិះ ឌុប គ្នា ។

ក្នុងនោះ ក្មេងទំនើងទាំង៣នាក់ ក៏បានបាន សារភាពថា កាំបិតផ្គាក់ និង ដាវ សា ម៉ូ រ៉ៃ ទាំង ២ នេះ ជា របស់ មិត្តភក្តិ របស់ខ្លួន ម្នាក់ បាន ផ្ញើនិង តេទូរស័ព្ទឲ្យ យកមកឲ្យ នៅ ម្តុំ ខាងក្រោយ ភ្នំពេញ ស្ព៉ ត តែត្រូវសមត្ថកិច្ចដេញចាប់បានតែម្តង ។

ដោយសារកន្លែងកើតហេតុដំបូង នៅក្នុងភូមិសាស្ត្រសង្កាត់ទួលទំពូង២ សមត្ថកិច្ចប៉ុស្តិ៍ទួលទំពូង១ ក៏ប្រគល់ក្មេងស្ទាវទាំង៣នាក់ មកឲ្យ សមត្ថកិច្ចប៉ុស្តិ៍ ទួល ទំពូង ទី ២ ដើម្បី ធ្វើការ សាកសួរ និង ចាត់ការទៅតាម នីតិវិធី ច្បាប់បន្ត៕