បន្ទាយមានជ័យ៖កម្លាំងនគរបាលបានឃាត់ខ្លួនជនសង្ស័យប្រុស.ស្រីចំនួន៧នាក់ដែលជួបជុំប្រើប្រាស់គ្រឿងញៀនត្រូវបានបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់នៅថ្ងៃទី២៥ ខែមិថុនា ឆ្នាំ២០២១។
លោកវរៈសេនីយ៍ឯក ស៊ី ឌី អធិការនគរបាលក្រុងសិរីសោភ័ណបានប្រាប់ថា៖ជនសង្ស័យ៧នាក់មាន១.ឈ្មោះ សេត ផានិត ហៅចិន ភេទប្រុសអាយុ២២ឆ្នាំ ២.ឈ្មោះ លាន វិសៃ ភេទប្រុសអាយុ៣១ឆ្នាំ ៣.ឈ្មោះ ហ៊ុន លីហុង ហៅជ្រូក ភេទប្រុសអាយុ២៦ឆ្នាំ ៤.ឈ្មោះ ជា ណាក់ ហៅធា ភេទប្រុសអាយុ១៧ឆ្នាំ ៥.ឈ្មោះ ហេង ទីឆាយ ភេទប្រុសអាយុ៣២ឆ្នាំ ៦.ឈ្មោះ ស៊ូ សៃហឿន ភេទស្រីអាយុ២១ឆ្នាំ ៧.ឈ្មោះ តាំ រក្សា ភេទស្រីអាយុ២១ឆ្នាំជនសង្ស័យរស់នៅភូមិខាងលើ។
លោកបានបញ្ជាក់ថា៖នៅពេលកម្លាំងអធិការដ្ឋាននគរបាលក្រុងសិរីសោភ័ណ ឃាត់ខ្លួនជនសង្ស័យគឺសហការជាមួយអាជ្ញាធរមូលដ្ឋានបានធ្វើស្រាវជ្រាវនិងកំណត់មុខសញ្ញាចុះបង្ក្រាបឃាត់ខ្លួនជនសង្ស័យចំនួន៧នាក់ស្រី២នាក់និងវត្ថុតាងថ្នាំញៀននិងឧបករណ៍ប្រើប្រាស់កាលពីថ្ងៃទី២៤ ខែមិថុនា ឆ្នាំ២០២១ស្ថិតភូមិខ្លាកូន សង្កាត់កំពង់ស្វាយ ក្រុងសិរីសោភ័ណ។
លោកវរៈសេនីយ៍ឯក ស៊ី ឌី បានបញ្ជាក់ថា៖ក្រោយពេលឃាត់ខ្លួនជនសង្ស័យប្រុស.ស្រីចំនួន៧នាក់ត្រូវនាំយកសាកសួរតាមចម្លើយសារភាពនិងធ្វើតេស្តគឺប្រើប្រាស់គ្រឿងញៀនត្រូវបានរៀបចំសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់៕ដោយ៖ចិន្ត្រា
