ខេត្តកោះកុង៖ នគរបាលផ្នែកប្រឆាំងបទល្មើសគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលស្មាច់មានជ័យ បង្ក្រាបឃាត់ខ្លួនជនសង្ស័យចំនួន២នាក់ ដកហូតបានថ្នាំញៀន WY ចំនួន៤២៨គ្រាប់ កាលពីវេលាម៉ោង ២និង ៥៥នាទី ថ្ងៃទី១៥ ខែមីនា ឆ្នាំ២០២១ ស្ថិតក្នុងភូមិ១ សង្កាត់ស្មាច់មានជ័យ ក្រុមខេមរភូមិន្ទ ខេត្តកោះកុង ។

សមត្ថកិច្ចបញ្ជាក់ថា ប្រតិបត្តិការនេះ មានការចង្អុលបង្ហាញពី លោកឧត្តមសេនីយ៍ទោ គង់ មនោ ស្នងការនគរបាលខេត្ត មានការសម្របសម្រួលនីតិវិធីដោយឯកឧត្តម រស់ សារ៉ាំ ព្រះរាជអាជ្ញាអមសាលាដំបូងខេត្ត និងក្រោមការដឹកនាំបញ្ជាផ្ទាល់ពីលោកវរសេនីយ៍ឯក យស់ ចាន់វិចិត្រ អធិការនគរបាលក្រុងខេមរភូមិន្ទ។

ជនសង្ស័យដែលឃាត់ខ្លួនបានទាំង ២នាក់ រួមមាន៖

១.ឈ្មោះ ខៀវ បូ ភេទប្រុស អាយុ៤៤ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិ១ សង្កាត់ស្មាច់មានជ័យ ។

២.ឈ្មោះ បូ ភក្ដី (ដាំ) ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិ១ សង្កាត់ស្មាច់មានជ័យ។

ក្នុងនោះ កម្លាំងដកហូតបាន ៖ ថ្នាំគ្រាប់ប្រភេទ WY ពណ៌ផ្កាឈូកចំនួន៤២៨គ្រាប់ , ទូរស័ព្ទដៃ១គ្រឿង (ណូគាចុចពិល) , ឧបករណ៍ជក់ និងថង់វេចខ្ចប់មួយចំនួន។

សមត្ថកិច្ចបញ្ជាក់ថា ពេលនេះ ជនសង្ស័យនិងវត្ថុតាង កំពុងកសាងសំណុំរឿងបញ្ជូនទៅការិយាល័យជំនាញចាត់ការតាមច្បាប់បន្តទៀត៕