រាជធានីភ្នំពេញ ៖ កម្លាំងប៉ុស្ដិ៍នគរបាលរដ្ឋបាលក្រាំងពង្រ បានសហការជាមួយផ្នែកប្រឆាំងគ្រឿង បានចុះបង្រ្កាបនិងធ្វើការឃាត់ខ្លួនបានសង្ស័យចំនួន៣នាក់ ជាក់ស្ដែងជាមុខសញ្ញាជួញដូរដោយខុសច្បាប់នូវសារធាតុញៀន នឹងកាន់កាប់អាវុធគ្មានការអនុញាតិ(ដាវកែច្នៃ) កាលពីថ្ងៃទី ២៦ខែ មិថុនា ឆ្នាំ២០២១ វេលាម៉ោង ១៤និង០០នាទី ត្រង់ចំណុចផ្ទះគ្មានលេខ ផ្លូវបេតុង ស្ថិតនៅភូមិក្រាំងពង្រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ។

សមត្ថកិច្ចបានប្រាប់មកកាន់ TVFB ឲ្យដឹងថា ជនសង្ស័យទី ១-ឈ្មោះ ផន រតនា ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិក្រាំងពង្រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ។

២-ឈ្មោះ ម៉ម ចាន់ស៊ីដេត ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិក្រាំងស្វាយ សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។

៣-ឈ្មោះ សត ណាត ភេទប្រុស អាយុ៤៣ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិក្រាំងពង្រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។

ក្នុងនោះសមត្ថកិច្ចក៏បានធ្វើការ ដកហូតវត្ថុតាងចាប់យក៖ ១-ក្រាមសថ្លាចំនួន០៦កញ្ចប់ថង់តូច ,២-ថ្នាំគ្រាប់ពណ៌ផ្កាឈូកចំនួន ០១គ្រាប់,៣-កាំភ្លើងកែឆ្នៃ ចំនួន០១ដើម ,៤-ដាវកែឆ្នៃចំនួន០៥ដើម, ៥-ជញ្ជីងអេឡិចត្រូនិច ចំនួន០១ ,៦-រថយន្តម៉ាក LEXUS RX 330 ពណ៌ទឹកប្រាក់ ពាក់ស្លាកលេខ ភ្នំពេញ 2AM-0524 ចំនួន០១គ្រឿង ,៧-ទូរសព្ទចំនួន០២គ្រឿង(OPPO ពណ៌ស ចំនួន០១ ,IPHONE 5 ពណ៌ស ចំនួន០១) ,៨-សម្ភារៈសម្រាប់ប្រាស់ថ្នាំញៀនមួយចំនួន ។

មុននឹងឈានដល់ការបង្ក្រាបខាងលើ កម្លាំងប៉ុស្ដិ៍នគរបាលរដ្ឋបាលក្រាំងពង្រ បានសហការជាមួយផ្នែកប្រឆាំងគ្រឿង បានចុះបង្រាបជាក់ស្ដែង មុខសញ្ញាជួញដូរដោយខុសច្បាប់នូវសារធាតុញៀន នឹងកាន់កាប់អាវុធគ្មានការអនុញាតិ(ដាវកែច្នៃ) ដោយឃាត់ខ្លួនសង្ស័យចំនួន០៣នាក់ ហើយសមត្ថកិច្ច បានធ្វើការត្រួតពិនិត្យ ឆែកឆេរ រកឃើញក្រាមពណ៏សថ្លាចំនួន០៥កញ្ចប់ថង់តូច នឹងថ្នាំគ្រាប់ពណ៌ផ្កាឈូក ចំនួន

០១គ្រាប់ ដែលដាក់ទុកនៅលើក្បាលគ្រែដេក ជារបស់ឈ្មោះ ផន រតនា នឹង០១កញ្ចប់ថង់តូចជារបស់ឈ្មោះ ម៉ម ចាន់ស៊ីដេត ដាក់ក្នុងហោប៉ៅអាវមុខខាងស្ដាំ ទើបនាំខ្លួនជនសង្ស័យទាំង០៣នាក់ មកធ្វើការសាកសួរ នៅប៉ុស្តិ៍នគរបាលរដ្ឋបាលក្រាំងពង្រ ដើម្បីកសាងសំណុំរឿងចាត់ការតាមនីតិវិធីច្បាប់តែម្តង ៕