រាជធានីភ្នំពេញ ៖ ជនសង្ស័យម្នាក់ បានធ្វេីសកម្មភាពលួចម៉ូតូ មួយគ្រឿង បានសម្រេចតែរត់មិនរួច ក៏ត្រូវបានម្ចាស់ម៉ូតូដេញតាមទាន់ឃាត់អោយសមត្ថកិច្ច។ ហេតុការណ៍បានកេីតឡេីងកាលពីវេលាម៉ោង ២និង២០នាទីរសៀលថ្ងៃទី២៨ ខែមិថុនា ឆ្នាំ ២០២១ ដែលស្ថិតចំណុចភូមិដេីមគរ សង្កាត់ជ្រោយចង្វារ ខណ្ឌជ្រោយចង្វារ ។

ជនសង្ស័យមានឈ្មោះ សំណាង ភេទប្រុស អាយុ ជាង២០ឆ្នាំ មុខរបរ មិនពិតប្រាកដ ។ ចំណែកឯជនរងគ្រោះមានឈ្មោះ សុភ័ក្ត្រ ភេទប្រុស អាយុ ២៧ឆ្នាំ មុខរបរ ជាងជួសជុលម៉ូតូ និងរថយន្ត ស្នាក់នៅសង្កាត់ជ្រោយចង្វារ ខណ្ឌជ្រោយចង្វារ ។

ប្រភពព័ត៌មាន ពីជនរងគ្រោះបានប្រាប់អោយដឹងថា មុនពេលកេីតហេតុ រូបគាត់បានជិះម៉ូតូមកពីទិញឥវ៉ាន់ ហេីយក៏ភ្លេចដកសោរម៉ូតូចេញពីម៉ូតូ ក៏ត្រូវបានជនសង្ស័យធ្វេីសកម្មភាពលួចយកទៅជិះ ដេីម្បីគេចខ្លួន តែត្រូវបានគាត់ឃេីញទាន់ក៏ស្រែកនឹងដេញតាមរហូតដល់ត្រង់ចំណុចក្រោមស្ពានជ្រោយចង្វារ ទេីបធ្វេីការឃាត់ខ្លួនបានជនសង្ស័យខាងលេី រួចធ្វេីការប្រគល់ជូនសមត្ថកិច្ចប៉ុស្តិ៍។

ក្រោយកេីតហេតុជនរងគ្រោះមិនបានដឹកពាក្យបណ្តឹងអ្វីទេ ព្រោះគិតថាជនសង្ស័យខាងលេី ហាក់ដូចជាមនុស្សមិនប្រក្រតី ឬសតិមិនគ្រប់ ទេីបប្រគល់អោយសមត្ថកិច្ចចាត់ការតាមជំនាញ។

បច្ចុប្បន្ន ជនសង្ស័យខាងលេី ត្រូវបានសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌជ្រោយចង្វារ ដេីម្បីចាត់ការតាមផ្លូវច្បាប់ ៕