ខេត្តព្រះសីហនុ ៖ សមត្ថកិច្ចខេត្ត ព្រះសីហនុ បើកការស្រាវជ្រាវ ឈានដល់ការចាប់ឃាត់ខ្លួនបានមុខសញ្ញា ចោរឆក់ ចំនួន ៨ នាក់ ជាបន្តបន្ទាប់ តាំងពី ថ្ងៃ ទី២៤ ខែមិថុនា រហូតមកដល់ ថ្ងៃទី២៧ ខែមិថុនា ឆ្នាំ ២០២១ និងកសាងសំណុំរឿងបញ្ជូនទៅ តុលាការ ដើម្បីចាត់ការតាមច្បាប់។

ក្នុងនោះ កាលពីវេលាម៉ោង៥ល្ងាចថ្ងៃទី ២៤ ខែមិថុនា ឆ្នាំ២០២១ ជនសង្ស័យមានគ្នា២នាក់ បានធ្វើសកម្មភាព ឆក់ ទូរស័ព្ទដៃស៊េរីទំនើប ២ គ្រឿង ម៉ាក IPHONE11 PRO MAX 256G ពណ៌ ខៀវ និង ម៉ាក HUAWEI ពីនារី ជនជាតិ វៀតណាម នៅ ចំណុច ផ្លូវ ចំណោទ ចុះទៅ ស្ពាន អូរ សំអាត ស្ថិតក្នុង ក្រុមទី ១២ ភូមិ ១ សង្កាត់ លេខ ៣ ក្រុងព្រះសីហនុ ខណៈដែលជនរងគ្រោះ កំពុងជិះម៉ូតូជាមួយមិត្តភក្តិតាមផ្លូវហើយរត់គេចខ្លួនបាត់។ លុះនៅវេលាម៉ោង១២ និង៤០នាទី ថ្ងៃទី ២៥ ខែមិថុនា ឆ្នាំ ២០២១ ក៏មានជនសង្ស័យ៤នាក់ទៀត ជិះម៉ូតូម៉ាកសង់ប៊ិច និងម៉ាកស្កុបពី បានធ្វើសកម្មភាព ឆក់ ទូរស័ព្ទដៃ ម៉ាក IPHONE 12 ពីបុរសជនជាតិចិន កំពុងជិះម៉ូតូតាមផ្លូវតែម្នាក់ឯង បានសម្រេចនៅ ចំណុច រង្វង់ មូល ឆ្នេរ ៧ ជាន់ ចាស់ ភូមិ ១ សង្កាត់ ៣ ក្រុង ព្រះសីហនុ ត្រូវបានជនរងគ្រោះជិះម៉ូតូដេញតាម ជនសង្ស័យដែលជិះម៉ូតូ ម៉ាកស្កុបពីពួកគេក៏ដោះមួកការពារវាយទៅលើជនរងគ្រោះទៀតបណ្តាលឲ្យដួលម៉ូតូបាក់ដៃ ទាំងសងខាងរងរបួស ធ្ងន់។

ភ្លាមៗ សមត្ថកិច្ចប៉ុស្តិ៍សង្កាត់លេខ៣ ទទួលបានព័ត៌មាននេះភ្លាម ក៏បានធ្វើការ ដេញតាមជនសង្ស័យ និងចាក់តាមវិទ្យុទាក់ទង ស្ទាក់គ្រប់ផ្លូវ រហូតដល់ ដីឡូត៍លើភ្នំ ក្រុមទី១៧ ភូមិ២ សង្កាត់២ ក្រុងព្រះសីហនុ ជនសង្ស័យដែល ជិះម៉ូតូម៉ាកសង់ប៊ិច បានប្លុងម៉ូតូចោល រត់គេចខ្លួន ចូលក្នុងព្រៃ ។

ទោះរត់ចូលព្រៃក៏ដោយ សមត្ថកិច្ចមិនឈប់តាមរកនោះទេ ដោយបានបន្តរុករក ក្នុងព្រៃ រកឃើញ ទូរស័ព្ទដៃ ២ គ្រឿង ម៉ាកIPHONE6 ពណ៌ ទឹកប្រាក់ និង ម៉ាក OPPO ពណ៌ ទឹកប្រាក់ ដែល ពួកគេ បាន ជ្រុះ ។ក្រោយរកឃើញទូរសព្ទនេះ សមត្ថកិច្ចបន្តស្រាវជ្រាវ រហូតដល់ វេលាម៉ោង១និង ៣០ នាទីរំលងអាធ្រាត្រ ឈានចូលថ្ងៃទី ២៦ ខែមិថុនា ទើប ឃាត់ ខ្លួន ជនសង្ស័យជាបន្តបន្ទាប់ ចំនួន ៨ នាក់ ។

សមត្ថកិច្ចបានឲ្យដឹងថា ជនសង្ស័យ ទាំង ៨ នាក់ រួមមាន៖

១. ឈ្មោះ វ៉ើ ន វណ្ណា ភេទ ប្រុស អាយុ ១៨ ឆ្នាំ មុខរបរ មិន ពិតប្រាកដ ។

២. ឈ្មោះ វ៉ើ ន វ ណ្ណី ភេទ ប្រុស អាយុ ១៦ ឆ្នាំ មុខរបរ មិន ពិតប្រាកដ ។

៣.ឈ្មោះ លាង បៃតង ភេទ ប្រុស អាយុ ១៥ ឆ្នាំ មុខរបរ មិន ពិត ប្រាកដ។ (ទាំង៣នាក់ ស្នាក់នៅក្នុងសង្កាត់៤ ក្រុងព្រះសីហនុ)

៤. ឈ្មោះ ជន វីរៈ យុ ត ភេទ ប្រុស អាយុ ១៦ ឆ្នាំ មុខរបរ មិន ពិតប្រាកដ ស្នាក់នៅសង្កាត់ ៣ ក្រុងព្រះសីហនុ ។

៥. ឈ្មោះ ប៉ុង រស្មី ហៅ ត្រេ ន ឬ ជ្រុ យ ភេទ ប្រុស អាយុ ១៦ ឆ្នាំ មុខរបរកម្មករ ទូក នេសាទ ។

៦. ឈ្មោះ យន់ សុខ លីន ភេទ ប្រុស អាយុ ១៥ ឆ្នាំ មុខរបរ ជាង ជួសជុល ម៉ូតូ ។ (ទាំង២នាក់ ស្នាក់នៅសង្កាត់២ ក្នុងព្រះសីហនុ)

៧. ឈ្មោះ ណាក់ កែវ ភេទ ប្រុស អាយុ ១៦ ឆ្នាំ មុខរបរ មិន ពិតប្រាកដ ស្នាក់នៅ ភូមិ ៥ សង្កាត់ ៤ ក្រុងព្រះសីហនុ ។

៨. ឈ្មោះ ម៉ៅ តុង ហុង ភេទ ប្រុស អាយុ ១៧ ឆ្នាំ មុខរបរ មិន ពិតប្រាកដ ស្នាក់នៅសង្កាត់ ១ ក្រុងព្រះសីហនុ ។

ក្នុងនោះសមត្ថកិច្ចដកហូតបាន ទូរស័ព្ទ ចំនួន ៦ គ្រឿង , ម៉ូតូម៉ាក ហុងដា ឌ្រី ម ស៊េរី ឆ្នាំ ២០២០ ពណ៌ ខ្មៅ ស្លាក លេខ ព្រះសីហនុ 1I-4889, ម៉ាក ហុងដា ឌ្រី មសង់ប៊ិច ១១០ ពណ៌ ក្រហម ពាក់ ស្លាក លេខ កណ្ដាល 1S-2935, ម៉ូតូម៉ាក ហុងដា ឌ្រី មស៊េរី ឆ្នាំ ២០១៤ ឡើង ស៊េរី ឆ្នាំ ២០១៩ ពណ៌ ខ្មៅ គ្មាន ស្លាក លេខ ០១គ្រឿង។

ដោយមានជនរងគ្រោះមក ដាក់ បណ្តឹងផងដែរ ជនរងគ្រោះមាន២នាក់ ក្នុងករណីផ្សេងគ្នា ក្នុងនោះមានជនរងគ្រោះម្នាក់ ជាបុរសជនជាតិចិន ដែលរងរបួសធ្ងន់ កំពុងសង្គ្រោះនៅមន្ទីរពេទ្យបង្អែក ខេត្តនៅឡើយ ៕