ក្រុងព្រះសីហនុ ៖ រថយន្តសេរីទំនើបមួយគ្រឿងម៉ាកPocsehe ពណ៌សរ ពាក់ស្លាកលេខភ្នំពេញ2AE-6669 បើកបរក្នុងល្បឿនលឿន ដោយបុរសជនជាតិចិន លុះមកដល់ចំណុចកើតហេតុក្បែរកែងស្តុបផ្សារពាណិជ្ជកម្ម ក៏រេចង្កូតទៅបុកប៉ះនិងរថយន្តសេរីចាស់មួយគ្រឿង ដែលចតទុកចោលនៅលើចិញ្ចើមផ្លូវ បណ្តាលឲ្យរងការខូចខាតយ៉ាងតំណំ ។

ចំពោះករណីគ្រោះថ្នាក់ខាងលើនេះ បង្កឲ្យមានការភ្ញាក់ផ្អើលនៅវេលាម៉ោងជាង៣ទាបភ្លឺឈានចូលថ្ងៃទី០១កក្កដា២០២១នេះ ចំណុចផ្លូវបំបែកជាបួន ពីស្រែត្រកួនឆ្ពោះទៅបុរីគុជអាសុី ស្ថិតក្នុងភូមិ២ សង្កាត់២ ក្រុងព្រះសីហនុ ខេត្តព្រះសីហនុ ។

យោងតាមប្រភពព័ត៌មានបានឲ្យដឹងថា នៅមុនពេលកើតហេតុគេប្រទះឃើញរថយន្តសេរីទំនើបមួយគ្រឿងម៉ាកPocsehe ពណ៌សរ ពាក់ស្លាកលេខភ្នំពេញ2AE-6669 បើកបរក្នុងល្បឿនលឿននោះដែរ ។ លុះមកដល់ចំណុចកើតហេតុក្បែរកែងស្តុបផ្សារពាណិជ្ជកម្ម ក៏រេចង្កូតទៅបុកប៉ះនិងរថយន្តសេរីចាស់មួយគ្រឿង ដែលចតទុកចោលនៅលើចិញ្ចើមផ្លូវ បណ្តាលឲ្យរងការខូចខាតយ៉ាងតំណំ ។ ក្រោយពេលកើតហេតុបុរសជនជាតិចិនដែលបើករថយន្តម៉ាកPocseheខាងលើបន្តបើករត់គេចខ្លួនមកដល់ចំណុចផ្លូវកែងក្បែរបុរីគុជអាសុី ក៏បើកទ្វាចុះពីរថយន្ត និងទុករថយន្តចោល និងបាននាំស្រីស្នេហ៍រត់គេចខ្លួនបាត់ស្រមោល ។

បច្ចុប្បន្នរថយន្តដែលជាវត្ថុតាងទាំងពីរខាងលើត្រូវបានសមត្ថកិច្ចស្ទួចយកទៅរក្សាទុក នៅប៉ុស្តិ៍ចរាចរណ៍ផ្លូវគោកខេត្តព្រះសីហនុ រងចាំម្ចាស់ចូលខ្លួនមកដោយស្រាយគ្នា ទៅតាមនីតិវិធីច្បាប់ ៕