ខេត្តបន្ទាយមានជ័យ៖ ​ឃាត់ខ្លួនជនសង្ស័យ២នាក់ម្នាក់ជាជនជាតិថៃចែកចាយប្រើប្រាស់គ្រឿងញៀនឃាត់វេលាម៉ោង១.៣០នាទីយប់ចូលថ្ងៃទី០២ ខែកក្តដា ឆ្នាំ២០២១នៅចំណុចអូរព្រំដែនស្ថិតភូមិសាស្គ្រភូមិក្បាលស្ពានមួយ សង្កាត់.ក្រុងប៉ោយប៉ែត។

លោកវរសេនីយ៍ត្រី រស់ ពិសិដ្ឋ កម្លាំងវរសេនាតូចនគរបាលការពារព្រំដែនគោកលេខ៩១១បានប្រាប់ថា៖ជនសង្ស័យ២នាក់ដែលត្រូវឃាត់ខ្លួនមាន ១.ឈ្មោះ ផន សុផាត ភេទប្រុសអាយុ១៨ឆ្នាំរស់នៅភូមិក្បាលស្ពានមួយ សង្កាត់.ក្រុងប៉ោយប៉ែត ២.ឈ្មោះ អាធីត សំថង់ ភេទប្រុសអាយុ៣១ឆ្នាំ(ជនជាតិថៃ)ស្នាក់នៅជាមួយគ្នា។

លោកបានបញ្ជាក់ថា៖នៅពេលឃាត់ខ្លួនជនសង្ស័យគឺកម្លាំងវរសេនាតូចនគរបាលការពារព្រំដែនគោកលេខ៩១១ បានចេញល្បាតតាមបន្ទាត់ព្រំដែនបានប្រទៈឃើញជនសង្ស័យ២នាក់កំពុងធ្វើសកម្មភាពចែកចាយប្រើប្រាស់គ្រឿងញៀនចំណុចអូរព្រំដែនហើយឃាត់ខ្លួនរឹបអូសមានវត្ថុតាងម៉្សៅក្រាមសថ្លាចំនួន៧ថង់តូច ថ្នាំគ្រាប់ពណ៌ក្រហមWYចំនួ១២គ្រាប់។

លោកវរសេនីយ៍ត្រី រស់ ពិសិដ្ឋ បានបញ្ជាក់ថា៖ក្រោយពេលឃាត់ខ្លួនជនសង្ស័យ២នាក់និងវត្ថុតាងគ្រឿងញៀនត្រូវបានរៀបចំឯកសារប្រគល់ជូនកម្លាំងជំនាញអធិការដ្ឋាននគរបាលក្រុងប៉ោយប៉ែត អនុវត្តតាមច្បាប់៕ដោយ៖ចិន្ត្រា